Ésaïe 24:8 - Mbeti ti Nzapa - Tënë so amu fini

⁸ Toto ti ngo so ayeke zia lani ngia na be ti azo akai awe, dekongo na ngia ti azo ahunzi awe, toto ti kundi so ayeke zia ngia na be ti azo akai awe.

Ésaïe 24:8 ပူးပေါင်းရင်းမြစ်များ

Mbeti ti Job 3:7

Biani, na bi ni so, ayeke nzoni wali amu ngo pepe; zo oko adekongo ti ngia na bi ni so pepe!

Mbeti ti Job 30:31

Kundi ti mbi aga gi ye ti totongo na kuâ; *ngoli ti mbi ayeke toto na gbe ti abia ti azo ti totongo kuâ.

Abia (Psaumes) 137:2

E zia akundi ti e na nduzu na ya ti akeke ti yanga ti ngu ni.

Ésaïe 16:10

Ngia na nzerengo tere ahunzi awe na ya ti ayaka so akeke so a yeke te le ni tengo ayeke daa. Na ya ti ayaka ti vinye, zo ayeke kiri ti ma bia ti ngia pepe, zo ayeke kiri ti ma dekongo na ngia pepe. Zo ayeke kiri ti pete vin pepe na ya ti du so a yeke pete ale ti vinye daa, dekongo na ngia akai awe.

Ésaïe 5:12

Na ya ti matanga ti ala, ala yeke pika kundi na kete kundi, ala yeke pika ngo, ala yeke huru *ngoli. Me ala yeke baa ndo pepe na ye so KOTA GBIA asara, ala yeke baa kua so lo sara pepe.

Ésaïe 5:14

Tongaso, fade ndo ti akuâ ayeke zi yanga ti lo kota, lo yeke zi ni akono ahon ndoni. Akota zo ti kodro na asenge zo ti gbata ni ayeke li na ya ni, ala na aye ti wusuwusu ti ala, na ngia ti ala kue.

Jérémie 16:9

Biani, tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Na ndo so, mbi yeke kai bia ti azo so tere ti ala anzere, bia ti azo so ayeke na ngia nga na bia ti koli na wali so amu tere fini fini. Mbi yeke sara ni na gbe ti le ti ala, na ndembe so ala ngba na fini.’

Jérémie 25:10

Mbi yeke zi na popo ti ala bia ti azo so tere ti ala anzere, bia ti azo so ayeke na ngia nga na bia ti koli na wali so amu tere fini fini; mbi yeke zi na popo ti ala toto ti têne ti nikango na ye nga na wâ ti lamba.

Jérémie 7:34

Mbi yeke kai ngia ti azo na ya ti agbata ti Juda nga na ndö ti alege ti Jérusalem; mbi yeke kai nzerengo tere ti azo so ayeke he bia; mbi yeke kai bia ti koli na wali so ayeke sara matanga ti mungo tere. Biani, ngia ti ala ni ayeke kai, ngbanga ti so kodro ni abuba kue.

Abia ti demango tere 5:14

Akangba akiri asi na ya ti bongbi ti lekengo atënë ti azo ti kodro pepe. Amaseka-koli akiri ahe bia na mozoko pepe.

Ezekiel 26:13

Mbi yeke kai abia ti mo; zo ayeke kiri ti ma go ti akundi ti mo pepe.

Ezekiel 28:13

Mo yeke lango na Eden, yaka ti Nzapa; atêne ti ngangu ngere ndenge na ndenge akanga tere ti mo: rubis, topaze na diaman, krizolite, kornaline na zaspe, safir, grena na emerode. Aye ti pendere so mo yeke yu, a sara ni na lôro, a leke ni gi na lango so a sara mo.

Osée 2:11

Ndani laa, na ngoi ti fango ale ti kobe, fade mbi yeke ga ti zi na maboko ti lo aye so kue mbi mu na lo: ale ti ble na fini vin; mbi yeke zi na tere ti lo bongo so a sara na kua ti tere ti taba, na bongo ti len so ahonde fade tere ti lo so ayeke ndumbu so.

Amos 6:7

Ndani laa, fadeso ala yeke akozo zo so a yeke gbu ala ti gue na ala na kodro wande. Matanga ti ala ahunzi awe, azo ti sopo!

Aye so Nzapa afa 18:22

Babilone, zo ayeke kiri ti ma ngombi ti azo ti pikango kundi, na go ti azo ti hengo bia, na toto ti *ngoli na ti tatalita na ndo ti mo pepe. Zo ayeke kiri ti wara azo ti sarango akua nde nde na kode na ndo ti mo pepe; zo ayeke kiri ti ma nga toto ti têne ti nikango na ye na ndo ti mo pepe.