Ésaïe 24:6 - Mbeti ti Nzapa - Tënë so amu fini

⁶ Ndani laa Nzapa adeba sese ni si abuba, azo so alango na ndö ni ayeke wara ye ti peko ti sioni ti ala, ala yeke kui si ala ngba gi kete.

Ésaïe 24:6 ပူးပေါင်းရင်းမြစ်များ

2 Agbia 24:12

Tongaso Yoakin, gbia ti Juda, lo na mama ti lo, na amakonzi ti lo, na aturugu ti lo ti kota kamba nga na akota zo ti yangbo ti lo ague, awara gbia ti Babilone. Na ngu miombe ni so Nabukodonosor ayeke gbia ti Babilone laa lo gbu Yoakin si lo bi lo na da ti kanga.

2 Agbia 25:12

Me makonzi ti aturugu ti batango gbia ni azia ambeni wayere kete na ya ti kodro ni titene ala fâ ayaka ti *vinye na ayaka.

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 34:5

Na yayu kâ, yongoro zeme ti KOTA GBIA ayeke tongana zo so anyon samba ahon ndö ti lo Baa yongoro zeme ni ayeke ti na ndö ti azo ti Edom, na ndö ti azo so KOTA GBIA azia ala titene a fâ ala, a hunzi ala.

Ésaïe 43:28

Tongaso mbi bi buba na tere ti amakonzi so ayeke sara kua na ndo so a zia ni nde ndali ti mbi, mbi zia Jacob titene a fâ lo, mbi zia Israel na maboko ti awato ti lo titene ala zonga lo.

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 9:19

Zo ayeke fâ kasa ti mbage ti maboko ti koli ti te, me nzara ayeke ngba ti sara lo; lo yeke te na mbage ti maboko ti wali, me ya ti lo ayeke si pepe. Zo oko oko ayeke te kasa ti tere ti lo wani.

Jérémie 12:4

Kodro ni ayeke ngba na mua ngbii asi lawa? Apere ti ayaka kue ayeke ngba ti hole ngbii asi lawa? Ndali ti sioni ti azo ti kodro ni, anyama na andeke ayeke kui kue. Azo ni ayeke tene: “Jérémie ayeke hunzi kozo ti e.”

Jérémie 5:14

Ndani laa, tënë so KOTA GBIA Nzapa so ayeke na ndö ti dunia kue atene ayeke so: “Ndali ti atënë so ala tene, tënë so mbi zia na yanga ti mo ti tene, mbi yeke sara si aga tongana wâ; mbi yeke sara si azo so aga tongana keke so wâ ni ayeke gbi ni kue.

Ezekiel 5:3

Me mo yeke mu mbage ti kua ni so kete, mo kanga ni na yanga ti bongo ti mo.

Awayango-sandaga 26:22

Mbi yeke tokua anyama ti ngonda na tere ti ala; anyama ni ayeke fâ amolenge ti ala, ala yeke hunzi anyama ti ala, anyama ti ngonda ni ayeke fâ ala kue si alege ti ala ayeke ga ngonda.

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

Malashii 3:9

Deba ayeke na li ti ala, ngbanga ti so ala, amara kue, ala nzi mbi.

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Matthieu 7:14

Yanga ti da so zo alingbi ti li daa si lo ngba na fini ayeke kete, lege ni ayeke kete; azo ti warango lege ni so ayeke mingi pepe.”

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Ndia ti fani use ni 28:62

So lani ala, azo ti Israel, ala wu tongana atongoro ti le ti nduzu so, fade wungo ti ala ayeke ngba gi kete, ngbanga ti so ala ke fade ti ma yanga ti KOTA GBIA Nzapa ti ala.

Ndia ti fani use ni 4:27

Fade KOTA GBIA ayeke kangbi ala kirikiri na popo ti amara nde; wungo ti ala ayeke ngba gi kete na ya ti akodro so KOTA GBIA ayeke tumba ala daa.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.