Ésaïe 24:3 - Mbeti ti Nzapa - Tënë so amu fini

³ Sese abuba biani biani awe; azo anzi aye ti sese ni kue ahon na ni. Biani, ye ni asi alingbi na peko ti tënë ti yanga ti KOTA GBIA.

Ésaïe 24:3 ပူးပေါင်းရင်းမြစ်များ

2 Mbai 36:21

Tongaso tënë so KOTA GBIA atene na lege ti wayanga ti lo Jérémie aga taa-tënë: “Fade azo ayeke ngba na ya ti kodro ni pepe na ya ti ngu balembarambara ngbii ngoi ti wungo tere ti kodro ni alingbi. Ye ni ayeke mu plase ti ngoi ti wungo tere so lani ala sara ye alingbi na ni pepe so.”

Ésaïe 21:17

Na popo ti gba ti azo ti pikango kokora nga na angangu turugu ti Kedar, gi azo kete laa ayeke ngba ande.” Tënë so KOTA GBIA, Nzapa ti Israel atene laa.

Ésaïe 22:25

So tënë ti yanga ti KOTA GBIA so ayeke na ndö ti dunia kue laa: “Na lango ni so, wen so a pika si alinda na ndo so akpengba, fade a yeke zi, a yeke kungbi si ayeke ti na sese, anengo kungba so a kanga na tere ni ayeke buba.” KOTA GBIA laa atene tënë so.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 24:2

Ye so ayeke si na wayango-sandaga, gi ni laa ayeke si na senge zo; ayeke si na wa ti zo ti kua nga na zo ti kua ti lo; ayeke si na wali so ayeke wa ti zo ti kua nga na zo ti kua ti lo ti wali; ayeke si na zo ti kango ye nga na zo ti vongo ye; ayeke si na zo ti mungo yongo na amba ti lo nga na zo so ahunda yongo ni; ayeke si na zo so ayeke mu ye na amba ti lo ti wara mbeni ye na ndö ni nga na zo so afuta ye si azia mbeni na ndö ni.

Ésaïe 24:4

Sese ayeke na mua, abuba kue. Dunia ati biani biani si ayeke buba. Le ti nduzu na sese ati legeoko.

Ésaïe 42:22

Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Jérémie 13:15

Ala ma si! Ala dingi mê ti ala! Ala baa tere ti ala tongana akota zo pepe. *KOTA GBIA laa ayeke tene tënë so.

Ezekiel 36:4

Ndani laa, ala ahoto ti Israel, ala ma tënë ti Kota Gbia NZAPA! Tënë so mbi Kota Gbia NZAPA, mbi tene ayeke so: Akota hoto, akete hoto, akete ngu so ayeke sua, apopo-hoto, akodro so abuba awe si aga benyama, agbata so azo ado azia, agbata so azo anzi aye ti ya ni kue si azo ti amara nde so angoro ni ahe ni na ngia,

Mishe 2:4

Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Mishe 4:4

Ala oko oko ayeke duti na siriri na gbe ti akeke ti *vinye ti ala nga na gbe ti akeke ti fige ti ala. Zo oko ti zia mbeto na be ti ala ayeke daa pepe.” Tënë so asigigi na yanga ti KOTA GBIA so ayeke na ndö ti dunia kue laa!

Ndia ti fani use ni 29:23

Fade amara kue ayeke hunda ndo, atene: “Ngbanga ti nyen si KOTA GBIA asara ye na kodro so tongaso? Ngbanga ti nyen si kota ngonzo ti lo alondo tongaso?”

Ndia ti fani use ni 29:28

Aye so angba na hondengo ni ayeke ti KOTA GBIA Nzapa ti e. Me aye so a sigigi na nda ni ayeke ti e na *ahale ti e kpu na kpu. Tongaso, alingbi e sara ye alingbi na atënë ti ndia so kue.