Ésaïe 24:20 - Mbeti ti Nzapa - Tënë so amu fini

²⁰ Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Ésaïe 24:20 ပူးပေါင်းရင်းမြစ်များ

Tongo nda ti aye 41:31

Ndali ti kota nzara so ayeke ga na pekoni, fade azo ayeke hinga tënë ti akobe so ayeke gbani gbani so pepe. Kota nzara ni ayeke hon ndoni.

Mbeti ti Job 12:25

Amakonzi ni atatara ndo na bi, na ya ti vukongo ndo. Ala tambula kirikiri tongana azo so samba ahon ndö ti ala.

Abia (Psaumes) 107:27

Li ti ala aga kirikiri si ala yeke tambula tongana zo so samba ahon ndö ti lo, ala hinga ye so ala lingbi ti sara pepe.

Abia (Psaumes) 38:4

Ndali ti ngonzo ti mo, ya ti tere ti mbi kue gi na songo ni; ndali ti asiokpari ti mbi, abio ti mbi kue awoko.

Ésaïe 1:28

Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 1:8

Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 19:14

KOTA GBIA azia na ya ti Ezipte yingo ti turnengo li ti zo. Biani, amakonzi ni ayeke hon na Ezipte kirikiri na ya ti aye so kue kodro ni ayeke sara. Ezipte ayeke tongana zo so samba ahon ndö ti lo si lo yeke hon kirikiri na ya ti ye so lo de awe.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 29:9

Li ti ala akpe, tënë ahunzi na yanga ti ala! Ala ga awaziba, ala ngba gi tongaso! Samba ahon ndö ti ala, me samba laa ala nyon pepe. Ala tambula kirikiri, me ngangu samba laa asara ala pepe.

Ésaïe 38:12

Da ti mbi so mbi duti na ya ni, a zi ni si a gue na ni yongoro na tere ti mbi, tongana gbefa ti wabatango-taba. Tongana ti so zo ti lekengo bongo ayeke rule bongo ti lo so ahunzi, fini ti mbi ahunzi legeoko tongaso. A fâ kamba ti bongo ni awe. KOTA GBIA, na kota lâ ngbii asi na lakui, mo hunzi na mbi awe.

Ésaïe 43:27

Kozo kotara ti mo asara siokpari awe, azo ti tenengo peko ti tënë ti yanga ti mo atomboka na tere ti mbi.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Jérémie 25:27

KOTA GBIA ahunda na mbi ti tene na azo ni, atene: “Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala nyon, ala nyon ahon ndö ti ala, ala de! Ala ti, ala ngba na sese na bango yongoro zeme so mbi yeke tokua na popo ti ala.”

Jérémie 4:24

Mbi baa ahoto: ala yeke yingi si akete hoto kue ayeke do.

Jérémie 51:29

Sese ayingi; sese ni ado na mbeto na ndembe so ye so KOTA GBIA aleke na be ti lo ti sara na Babilone, ye ni asi alingbi na ni: lo sara si kodro ni aga ngonda, zo ayeke daa mbeni pepe.

Jérémie 8:4

“Mo tene na ala, mo tene: tënë so *KOTA GBIA atene ayeke so: Tongana zo ati, lo yeke londo pepe? Tongana zo agirisa lege, lo yeke kiri na peko pepe?

Abia ti demango tere 1:14

Le ti KOTA GBIA abaa asioni so mbi sara; lo kanga asioni ti mbi na ndö ti mbi tongana *zuge so lo zia na ndö ti mbi; asioni ti mbi ni akono agbu mbi na go. Kota Gbia awoko ngangu ti mbi kue awe. Lo zia mbi na maboko ti awato ti mbi; mbi lingbi ti gbu le ni na ala pepe.

Daniel 11:19

Gbia ti Banga ayeke zia le ti lo na mbage ti agbata ti kodro ti lo wani so angangu gbagba ayeke na tere ni. Me lo yeke baa nzoni daa pepe; lo yeke kui si zo ayeke kiri ti baa lo pepe.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Nahum 1:5

Akota hoto ayeke yingi na dawa ti lo si akete hoto aga tongana ngu. Na dawa ti lo, sese ayingi si dunia na azo ni kue ado.

Aye so Nzapa afa 18:21

Tongaso, mbeni ngangu ange amu mbeni ngbongboro têne so akono alingbi na têne ti nikango na ye, lo bi na ya ti kota ngu-ingo si lo tene: “A yeke bi Babilone, kota gbata ni na ngangu tongaso. Fade azo ayeke kiri ti baa ni pepe!