Ésaïe 24:2 - Mbeti ti Nzapa - Tënë so amu fini

² Ye so ayeke si na wayango-sandaga, gi ni laa ayeke si na senge zo; ayeke si na wa ti zo ti kua nga na zo ti kua ti lo; ayeke si na wali so ayeke wa ti zo ti kua nga na zo ti kua ti lo ti wali; ayeke si na zo ti kango ye nga na zo ti vongo ye; ayeke si na zo ti mungo yongo na amba ti lo nga na zo so ahunda yongo ni; ayeke si na zo so ayeke mu ye na amba ti lo ti wara mbeni ye na ndö ni nga na zo so afuta ye si azia mbeni na ndö ni.

Ésaïe 24:2 ပူးပေါင်းရင်းမြစ်များ

Tongo nda ti aye 41:50

Joseph adu amolenge use kozoni si kota nzara ni ati. Lo du ala na Asenat, molenge ti Potifera ti wali. Potifera ayeke wayango-sandaga ti gbata ti One.

2 Mbai 36:20

Azo so akpe si angba na fini, gbia agbu ala ague na ala na Babilone titene ala ga angbaa ti lo na ti amolenge ti lo; ala ngba na gbe ti ngbaa ni ngbii asi na lango so azo ti Perse amu kodro ni.

Ésaïe 2:9

Ndani laa, fade azo ayeke ba li ti ala na sese, kamene ayeke gbu le ti ala. KOTA GBIA, zi siokpari na li ti ala pepe!

Ésaïe 24:3

Sese abuba biani biani awe; azo anzi aye ti sese ni kue ahon na ni. Biani, ye ni asi alingbi na peko ti tënë ti yanga ti KOTA GBIA.

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 5:15

Azo kue ayeke ba li ti ala na sese, azo ayeke kiri na kete ndo; kamene ayeke gbu le ti azo ti baba.

Jérémie 41:2

Ismael, molenge ti Netania, lo na azo baleoko so amu peko ti lo alondo, ala kpo Gedalia, molenge ti Netania na yongoro zeme. Lege so ala fâ lo so gbia ti Babilone azia lo na li ti kodro ni laa.

Jérémie 42:18

Jérémie akiri atene: “Tënë so KOTA GBIA so ayeke na ndö ti dunia kue, Nzapa ti Israel atene ayeke so: ‘Ngonzo ti mbi na ngonzo ti mbi ti wâ alondo lani na tere ti azo ti Jérusalem. Legeoko nga, fade mbi tuku ngonzo ni na ndö ti ala, azo ti Juda, tongana ala si na Ezipte. Tongaso, fade ala ga tapande ndali ti azo so ayeke deba amba ti ala, ala yeke ga ye ti dongo be, ye ti dengo ba na ye ti ziango kamene na le ti zo. Ala yeke kiri ti baa kodro so oko pepe.’ ”

Abia ti demango tere 4:13

Me akpale so ati na ya ti kodro ni, ngbanga ti so awayanga-Nzapa asara siokpari, awayango-sandaga asara sioni mingi: ala tuku mene ti azo ti mbirimbiri ti gbata ni. Nilaa, akpale so ati na ya ti kodro ni.

Abia ti demango tere 4:16

KOTA GBIA, lo wani akangbi ala kirikiri; lo ye ti baa ala na le ti lo mbeni pepe. Zo ti nengo awayango-sandaga ayeke daa pepe! Zo ti kpengo awayango-sandaga ayeke daa lawa.

Abia ti demango tere 4:6

Sioni ti azo ti kodro ti mbi ayeke mingi, siokpari ti ala ahon ti azo ti Sodome; kodro ti Sodome ati hio, mbeni zo andu nga ni pepe.

Osée 4:9

Oko ye so ayeke si na azo ti mbi, ni laa ayeke si na awayango-sandaga. Fade mbi yeke kiri na ala peko ti sioni dutingo ti ala, mbi yeke kiri na ala peko ti sioni sarango ye ti ala.