Ésaïe 24:18 - Mbeti ti Nzapa - Tënë so amu fini

¹⁸ Zo so ayeke kpe dekongo so ayeke zia kota mbeto na be ti zo, lo yeke ti na ya ti kota du; zo so ayeke londo ya ti du ni ti sigigi, lo yeke ti na ya ti gbanda. Fenetere ti yayu azi kota, gere ti sese ayingi.

Ésaïe 24:18 ပူးပေါင်းရင်းမြစ်များ

Tongo nda ti aye 19:24

Na ndembe ni so laa KOTA GBIA asara titene wâ na *sufre alondo na nduzu, atuku na ndö ti Sodome na Gomore tongana ti so ngu-Nzapa ayeke pika so.

Tongo nda ti aye 7:11

Na ndembe so Noe ayeke na ngu ngbangbo omene, na lango baleoko na mbarambara ti use nze ni, angu ti gbe ti sese so ali mingi alondo na ya ti adu ti ala nde nde, asigigi na ngangu; fenetere ti yayu azi kota.

2 Agbia 7:2

Mbeni turugu ti kota kamba ti gbia ti Israel, lo so lo yeke lakue nduru na tere ti gbia akiri tënë na Élisée, atene: “Ataa KOTA GBIA azi fenetere ti yayu, atënë so mo tene so, fade ayeke ga taa-tënë?” Élisée akiri tënë: “Fade mo yeke baa ye ni na le ti mo, me mo yeke te ande kobe ni pepe.”

Mbeti ti Job 20:24

Tongana lo kpe zeme ti bira so a sara na wen, kokora so a sara na bengba wen ayeke kpo lo.

Abia (Psaumes) 18:15

Lo tokua ale ti kokora ti lo si awato akangbi kirikiri, lo tokua gba ti wâ ti bekpa si ala kpe kirikiri.

Abia (Psaumes) 18:7

Na ya ti ye ti ngangu so asi na mbi, mbi iri KOTA GBIA titene lo mu na mbi maboko, mbi dekongo na Nzapa ti mbi. Kâ na ya ti kota da ti lo, lo ma go ti mbi; so mbi dekongo na lo, dekongo ni asi na mê ti lo.

Abia (Psaumes) 18:8

Tongaso sese ayingi si ado, gere ti ahoto ado kirikiri si ayingi na ndembe so KOTA GBIA asara ngonzo.

Zo ti bongbingo azo 9:12

Lango so ye ti vundu ayeke si na zo, lo hinga ni pepe. Ye ti sioni ayeke wara azo biaku tongana ti so gbanda agbu susu, wala tongana ti so kuku agbu ndeke.

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 2:19

Na ndembe so KOTA GBIA ayeke londo ti zia mbeto na be ti azo ti sese so, ala yeke li na ya ti adu ti têne nga na ya ti adu ti sese ti kpe ngonzo ti lo, ti kpe gonda ti lo so ayeke kota ahon ndoni.

Ésaïe 2:21

Na ngoi so lo yeke londo ti zia mbeto na be ti azo ti sese so, ala yeke li na ya ti adu ti têne nga na popo ti atêne so ya ni asuru, ti kpe kota ngonzo ti KOTA GBIA nga na gonda ti lo so ayeke kota ahon ndoni.

Ésaïe 42:22

Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Ésaïe 8:14

Ndali ti akodro-gbia use ti Israel, lo yeke duti ndo so a zia ni nde ndali ti Nzapa, lo yeke duti têne so azo ayeke pika gere ti ala daa, kota têne so ayeke sara titene azo ati, gbanda na kuku ndali ti azo so alango na Jérusalem.

Jérémie 48:43

“Kota mbeto, kota du na gbanda, ye so ayeke ndali ti ala, azo ti Moab laa; so tënë ti yanga ti KOTA GBIA laa.

Jérémie 48:44

Zo so ayeke kpe na dawa ti kota mbeto, lo yeke ti na ya ti kota du; zo so ayeke londo na ya ti du ni ti sigigi, lo yeke ti na ya ti gbanda. Biani, mbi yeke sara si ye so aga na ndö ti Moab na ngu so mbi yeke ga na tere ti lo; so tënë ti yanga ti KOTA GBIA laa.

Abia ti demango tere 3:47

Ti e, kota mbeto laa ayeke fâ e, kota du ti kuâ laa ayeke ku e. E kiri e ngba zo pepe, e yeke ti e ye mbeni pepe.

Ezekiel 11:8

Mbeto ti bira ayeke sara ala? Ala ku, fade mbi yeke tokua bira na tere ti ala. So tënë ti yanga ti Kota Gbia NZAPA laa.

Ezekiel 12:13

Mbi KOTA GBIA, mbi yeke bi gbanda ti mbi na ndö ti lo si lo yeke ti na ya ti kuku ti mbi. Mbi yeke gue na lo na Babilone, na sese ti azo ti Kalde. Me lo yeke baa sese ni pepe si lo kui kâ.

Ezekiel 15:7

Mbi yeke be le na ala. Ala baa ti ala atene, ala sigigi na ya ti wâ awe, me fade wâ ayeke gbi ala kue. Tongaso, ala azo ti Jérusalem, fade ala yeke hinga atene, mbi laa mbi yeke KOTA GBIA, mbi so mbi be le na azo ni.

Amos 5:18

Mawa na ala, azo so ayeke ku *lango ti KOTA GBIA! Nzoni ye ti nyen laa ala yeke wara na lango ti KOTA GBIA ni nyen? Lango ni ayeke duti lango ti vukongo ndo, me lango ti lumiere pepe.

Amos 5:19

Lango ni ayeke duti tongana lango ti mbeni zo so akpe bamara si lo gue, lo tengbi na ze; na pekoni, zo ni asi na da ti lo, lo zia maboko ti lo na tere ti dere ti da si ngbo ate lo.