Ésaïe 24:10 - Mbeti ti Nzapa - Tënë so amu fini

¹⁰ Gbata so abuba kue so ati awe, lege ti li na ya ti ada ayeke daa mbeni pepe.

Ésaïe 24:10 ပူးပေါင်းရင်းမြစ်များ

Tongo nda ti aye 11:9

Ndani laa a di iri ti ndo ni so Babel, ngbanga ti so na ndo so laa KOTA GBIA abuba ya ti yanga ti kodro so azo ti sese kue ayeke tene. Na ndo so nga laa KOTA GBIA akangbi ya ti ala na ndö ti sese kue.

2 Agbia 25:4

Tongaso azo akoro mbeni du na ya ti gbagba ti gbata ni. Na bi, aturugu ni kue akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

Ésaïe 23:1

Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 24:12

Na ya ti gbata ni, gi gba ti atêne laa angba, yanga ti gbagba ni akungbi awe, abuba kue awe.

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 26:5

Azo so lani alango na ndo so ayeke na nduzu, lo kinda ala na sese; gbata so zo alingbi ti li daa pepe, lo kungbi ni na sese, lo sara si alango na ya ti fuku ti sese.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Ésaïe 32:19

Fade *pembe ti bekpa ayeke ti na ndö ti gbako, gbata ayeke ti.

Ésaïe 34:11

Kodro ni ayeke ga ti andeke ti bi na ti abelu; akete ndeke ti bi na *akpakpo ayeke lango daa. KOTA GBIA ayeke gboto kamba ti haka na ni si lo yeke buba ni; lo yeke haka ni, ayeke ga senge, ye oko ayeke daa pepe.

Jérémie 39:4

Gi so Sedesias, gbia ti Juda, na aturugu ti lo kue abaa azo ni, ala kpe ahon. Ala sigigi na ya ti gbata ti Jérusalem na bi; ala mu lege so ahon na ya ti kete yaka ti gbia nga na yanga ti gbagba so ayeke na popo ti agbagba use. Na pekoni, ala mu lege so ague na popo-hoto ti Jourdain.

Jérémie 39:8

Na Jérusalem, azo ti Babilone abi wâ na yangbo ti gbia nga na ada ti asenge zo ti kodro ni. Ala kungbi nga na sese gbagba ti gbata ni.

Jérémie 52:7

Tongaso azo akoro mbeni du na ya ti gbagba ti gbata ni. Na bi, aturugu ni kue asigigi na ya ti gbata ni akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

Mishe 2:13

Lo so lo yeke zi lege, lo yeke tambula na dawa ti ala; a zi ala awe, ala hon yanga ti gbagba ni awe si ala sigigi awe. KOTA GBIA so ayeke Gbia ti ala laa amu li ti tambula ti ala ni.”

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Nzoni Tënë so Luc asu na mbeti 19:43

Biani, ambeni lango ayeke ga so awato ti mo ayeke bongbi sese aga koto, angoro mo kue. Ala yeke ngoro mo si ala yeke pete mo mbage na mbage kue.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Aye so Nzapa afa 18:2

Lo dekongo ngangu, lo tene: “Lo ti awe! Babilone, kota gbata ati awe! Lo ga fadeso ndo ti duti ti asioni yingo, ti ayingo ti kirikiri; lo ga ndo ti hondengo tere ti asioni ndeke kue nga na andeke so azo ake ala.