Ésaïe 23:9 - Mbeti ti Nzapa - Tënë so amu fini

⁹ *KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 23:9 ပူးပေါင်းရင်းမြစ်များ

Mbeti ti Job 12:21

Lo yeke bi buba na tere ti akota zo; lo yeke zi ngangu ti azo ti sarango ngangu na amba ti ala.

Abia (Psaumes) 107:40

KOTA GBIA abi kamene na le ti akota zo, lo sara si ala tambula kirikiri na benyama so lege ayeke daa pepe.

Sigingo 8:4

Faraon airi Moïse na Aaron si lo tene na ala: “Ala sambela KOTA GBIA titene lo zi akongba so na tere ti mbi nga na tere ti azo ti kodro ti mbi. Fade mbi yeke zia lege na azo ti Israel titene ala gue, aya *sandaga na KOTA GBIA.”

Ésaïe 10:33

Baa, Kota Gbia NZAPA, lo so lo yeke na ndö ti dunia kue, lo fâ amaboko ti keke na ngangu; lo de na sese akeke so ayo na nduzu, lo kinda na sese akeke so ayo mingi na nduzu.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 14:24

*KOTA GBIA so ayeke na ndö ti dunia kue adeba yanga ti lo, atene: “Ye so mbi leke na be ti mbi ti sarango ni ayeke si; ye so mbi ye ti sara, mbi yeke sara ni.

Ésaïe 14:26

Baa yanga so KOTA GBIA amu ndali ti sese kue laa! Baa ngangu so lo ye ti sara na amara kue laa.

Ésaïe 14:27

Tongana KOTA GBIA so ayeke na ndö ti dunia kue amu yanga, zo wa laa alingbi ti buba ya ni, zo wa? Tongana lo yoro maboko ti lo ti pika zo, zo wa laa alingbi ti gbanzi lo, zo wa?

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:12

Biani, KOTA GBIA so ayeke na ndö ti dunia kue, mbeni lango ti lo ayeke ga so lo yeke fâ ngbanga na li ti azo ti pikango kate, azo so ayeke ya iri ti ala nga na azo so abaa atene, ala hon amba ti ala so; lo yeke kiri ala na kete ndo.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 23:10

Mo Tir, mo fâ yaka na sese ti mo, tongana ti so a yeke sara na tere ti *bale ti Nil, ngbanga ti so ndo ti lutingo ti amangboko ayeke daa mbeni pepe.

Ésaïe 32:13

ndali ti sese ti azo ti mbi so aki na akeke ti ki amu ndö ni kue. Ataa ada so lani azo ayeke duti na ngia daa na agbata so azo ayeke sara matanga daa mingi, aki na akeke ti ki ni amu ni kue.

Ésaïe 5:13

Ndani laa KOTA GBIA atene: “Fade a yeke gbu azo ti mbi ti gue na ala na kodro wande, ngbanga ti so ala hinga ndo pepe. Akota zo ayeke kui nzara si asenge zo ayeke kui nzara ti ngu.”

Ésaïe 9:15

Azo so afa lege na azo ni so, ala fa na azo ni sioni lege; azo so azo ni afa lege na ala so, ala mu sioni lege.

Jérémie 13:9

“Tënë so KOTA GBIA atene ayeke so: Gi tongaso laa mbi yeke buba baba ti azo ti Juda, na kota baba ti azo ti Jérusalem.

Jérémie 51:62

Fade mo yeke tene: ‘KOTA GBIA, mo wani laa mo tene, fade gbata so ayeke ti biani biani, zo na nyama ayeke kiri ti ngba na ya ni pepe; fade gbata ni ayeke ga ngonda kpu na kpu.’

Abdias 1:2

KOTA GBIA atene: “Edom, fade mbi yeke sara titene mo ga kete na popo ti amara. Azo kue ayeke baa mo tongana mbumbuse ye.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 3:11

Nzapa asara ye ni alingbi gi na ye so lo leke ando na be ti lo si ayeke lakue lakue; lo sara ni awe na lege ti *Kota Gbia ti e Jésus Christ.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”