Ésaïe 23:8 - Mbeti ti Nzapa - Tënë so amu fini

⁸ Zo wa laa amu yanga si a sara ye tongaso na tere ti Tir, zo wa? Tir so ayeke kangbi ando kpoto ti gbia na azo, azo ti dengo buze ti lo ayeke amolenge ti gbia, azo ti dengo buze ti lo ayeke akota zo ti dunia so.

Ésaïe 23:8 ပူးပေါင်းရင်းမြစ်များ

Ésaïe 10:8

Lo tene: ‘Amakonzi ti aturugu ti mbi kue ayeke agbia pepe?

Ésaïe 36:9

Na popo ti azo ti kua ti gbia ti mbi, ataa gi kete ni oko, mo lingbi ti tumba lo? Mo so mo zia be ti mo gi na ndö ti Ezipte titene mo wara apusu ti mbarata na azo ti kpengo na ni so!

Ezekiel 26:12

Azo ni ayeke nzi amosoro ti mo, ala yeke gbu akungba ti mo ti ngere ti hon na ni. Ala yeke kungbi na sese agbagba ti mo si ala yeke buba apendere kota da ti mo; ala yeke mu atêne ti da ni, akeke ni nga na afuku ti sese ni si ala yeke tuku ni na ya ti ngu.

Nahum 3:16

Awadengo-buze ti ala awu ahon atongoro ti le ti nduzu; awadengo-buze ni ahon awe tongana agbadola so ahuru ahon.

Zakarii 9:3

Tir asara ngangu gbagba na tere ti lo. Lo bongbi gba ti nginza, nginza ni ayeke na ndö ti tere, na ndö ti tere tongana fuku ti sese, lo bongbi lôro tongana potopoto ti ndö ti lege.

Aye so Nzapa afa 18:23

Wâ ti lamba akiri ti za na ndo ti mo pepe. Na ndo ti mo, zo ayeke kiri ti ma pepe go ti koli na wali so amu tere fini fini. Nda ni ayeke so: azo ti dengo buze ti mo ayeke ngangu ahon ala ti sese si mo handa amara kue na lege ti sarango aye ti mazi ti mo!”

Aye so Nzapa afa 18:8

Ndani laa, gi na ya ti lango oko, fade aye ti sioni so a leke ndali ti lo ayeke si na lo: kuâ, mua na kota nzara. Fade wâ ayeke gbi lo, ngbanga ti so Kota Gbia, Nzapa so ayeke na ngangu afâ ngbanga na li ti lo awe.”