Ésaïe 23:15 - Mbeti ti Nzapa - Tënë so amu fini

¹⁵ Na lango ni so, fade be ti azo ayeke girisa na Tir na ya ti ngu balembarambara, ngu so alingbi na lango ti fini ti mbeni gbia. Na peko ti ngu balembarambara ni, tënë so a he na ya ti bia so na tere ti wali-ndumba ayeke si na Tir:

Ésaïe 23:15 ပူးပေါင်းရင်းမြစ်များ

Ésaïe 23:16

Mo wali-ndumba, mo so be ti azo agirisa na mo awe so, mo mu kundi ti mo, mo tambula mo ngoro gbata ni. Mo pika kundi ni nzoni, mo he abia gbani gbani titene azo akiri adabe ti ala na mo.

Ésaïe 23:17

Na peko ti ngu balembarambara ni, fade KOTA GBIA ayeke ga na mbage ti Tir. Gbata ni ayeke kiri ti wara nginza na lege ti sarango aye ti ndumba na akodro-gbia ti dunia.

Jérémie 25:22

– agbia kue ti Tir, ti Sidon na ala ti sese so ayeke na mbeni mbage ti kota ngu-ingo;

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Ezekiel 16:35

“Mo Jérusalem, wali-ndumba, mo ma tënë ti KOTA GBIA si.

Ezekiel 27:25

Akota mangboko ti Tarsis ayeke yo akungba ti mo.” “Mo Tir, akungba asi singo na ya ti mo, mo yo akungba ni ahon ndö ti mo tongana mangboko so ayeke taa na le ti kota ngu-ingo.

Ezekiel 29:11

Gere ti zo oko ayeke kiri ti do ndo ni pepe; gere ti nyama oko ayeke kiri ti do ndo ni pepe. Na ya ti ngu baleosio, ye oko ayeke duti kâ pepe.

Daniel 7:14

A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

Daniel 8:21

Koli-ngasa ni ayeke gbia ti kodro ti Grese; kota didi so ayeke na popo ti ale ti lo ayeke kozo gbia ni laa

Osée 2:15

Mbi yeke ga ti kiri peko ti sioni na lo ndali ti ye so lo sara na ngoi so lo yeke zö dukani na anzapa *Baal, lo yeke yu bage na aye ti mê na aye ti go si lo yeke kpe na peko ti andeko ti lo ni; me ti mbi, be ti lo ayeke girisa na mbi. – So tënë ti yanga ti KOTA GBIA laa.

Aye so Nzapa afa 17:10

agbia oku na popo ti ala ati awe, omene gbia ni ayeke le-gbia fadeso; mbarambara gbia ni ade ti ga pepe, me tongana lo ga ande, lo yeke ninga gi kete.