Ésaïe 23:13 - Mbeti ti Nzapa - Tënë so amu fini

¹³ Ala baa kodro ti azo ti Babilone: azo ni ayeke daa mbeni pepe. Asirii asara si kodro ni aga ndo ti anyama ti ngonda. Azo ti Asirii aleke ada so ayo na nduzu ti tiri bira na kodro ni, ala kungbi ayangbo ti kodro ni, ala sara si kodro ni aga ndo ti gba ti atêne.

Ésaïe 23:13 ပူးပေါင်းရင်းမြစ်များ

Tongo nda ti aye 11:28

Haran akui kozo ti babâ ti lo Tera, na ndembe so ala ngba na gbata ti Ur, na sese ti Babilonii. Ur ayeke kodro so a du lo daa.

Tongo nda ti aye 11:31

Tera amu molenge ti lo Abram, na ata ti lo Lot, molenge ti Haran, na kogara ti lo Sarai, wali ti molenge ti lo Abram si lo na ala alondo na sese ti Babilonii, na gbata ti Ur ti gue na kodro ti Kanaan. Ala gue, asi na gbata ti Haran si ala sara kodro kâ.

Tongo nda ti aye 11:9

Ndani laa a di iri ti ndo ni so Babel, ngbanga ti so na ndo so laa KOTA GBIA abuba ya ti yanga ti kodro so azo ti sese kue ayeke tene. Na ndo so nga laa KOTA GBIA akangbi ya ti ala na ndö ti sese kue.

Tongo nda ti aye 2:14

Ota maboko ti ngu ni, iri ni Tigre; ngu ti Tigre laa ayeke sua na mbage ti To ti kodro ti Asur. Osio maboko ti ngu ni, iri ni Efrate.

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

2 Agbia 20:12

Na ngoi ni so, Merodak-Baladan, gbia ti Babilone, molenge ti Baladan ama tënë ti songo tere ti Ezekias. Tongaso lo tokua na lo mbeti nga na akadoo.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

Mbeti ti Job 1:17

Tënë angba ngbango na yanga ti lo, mbeni watokua asi si lo tene: “Abongbi ota ti azo ti Kalde atuku na ndö ti azambala, agbu ala; ala fâ azo ti kua ti mo. Gi mbi oko laa mbi ngba na fini si mbi ga ti tene tënë ni na mo.”

Abia (Psaumes) 72:9

Fade azo ti benyama ayeke kuku na gbe ti lo, awato ti lo ayeke su fuku ti sese.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 10:7

Me gbungo-li ti gbia ti Asirii ayeke tongaso pepe, tënë ti be ti lo ayeke nde. Lo leke na be ti lo ti fâ azo kue, ti hunzi amara mingi mingi.

Ésaïe 13:19

Babilone, gbata so apendere ahon ambeni gbata ti kodro ni, azo ti Babilone ayeke pika kate ti ala ndali ni, fade Nzapa ayeke buba ni tongana ti so lo buba ando agbata ti Sodome na Gomore.

Ésaïe 13:21

Me anyaû ti ngonda laa ayeke lango kâ, andeke ti bi ayeke si singo na ya ti ada ti azo ni. *Anaamo ayeke lango na ya ti gbata ni, angasa ayeke dodo na ya ni.

Ésaïe 18:6

Fade a yeke do aye so kue ti zia na *angoalo ti li ti hoto nga na asioni nyama ti ngonda. Angoalo ni ayeke gue ti duti kâ na ngoi ti ndo-wâ; asioni nyama ni ayeke gue ti duti kâ na ngoi ti de.

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ezekiel 23:23

Akoli ti Babilone, ti Kalde kue, ti Pekod, ti Shoa na ti Koa, ti Asirii si ayeke ga. Ala kue ayeke amaseka-koli so apendere mingi; ala yeke agovoronere, akota komanda, akpengba zo ti bira, akota zo ti kodro, azo so kue ahinga ti kpe na ambarata nzoni.

Ezekiel 29:18

“*Molenge ti zo, baa, Nabukodonosor, gbia ti Babilone agbu aturugu ti lo na ngangu ti sara angangu kua na tere ti gbata ti Tir. A kpaka kua ti li ti aturugu ti lo kue, ndö ti maboko ti ala kue asuru na ka. Me gbia ni, lo na aturugu ti lo awara futa pepe ndali ti akua so ala sara na tere ti Tir.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Habakuk 1:6

Baa, mbi yeke sara si azo ti Babilone aga, azo ti mara so ayeke sioni mingi so, ala so ayeke baa mawa ti zo pepe so. Ala yeke hon na ya ti akodro ti dunia kue ti mu sese ti azo, sese so ayeke ti ala pepe.

Awatokua 7:4

Tongaso Abraham azia kodro ti Kalde si lo gue, lo duti na kodro ti Haran. Na peko ti so babâ ti lo akui awe, Nzapa azi lo kâ si aga na lo ge na sese so ala yeke daa fadeso.