Ésaïe 23:11 - Mbeti ti Nzapa - Tënë so amu fini

¹¹ KOTA GBIA asuku ngangu na kota ngu-ingo; lo sara si akodro ti agbia ayingi, lo mu yanga si a kungbi agbagba ti bira ti Kanaan.

Ésaïe 23:11 ပူးပေါင်းရင်းမြစ်များ

Tongo nda ti aye 9:25

lo tene: “Deba aga na li ti Kanaan! Fade lo yeke ga ndangba ti angbaa ti a-ita ti lo!”

Abia (Psaumes) 46:6

Nzapa ayeke na ya ti gbata ni; mbeni ye alingbi ti kinda ni oko pepe. Na ndaperere, kozoni si lâ asigigi, Nzapa ayeke ga ti mu maboko na azo ti gbata ni.

Abia (Psaumes) 71:3

Ga tongana kota têne so mbi yeke luti na ndö ni ti bata tere ti mbi, ndo so mbi lingbi ti kpe daa lakue. Mo mu yanga ti soo mbi. Biani, mo yeke tongana kota têne so mbi luti na ndö ni, tongana ngangu gbagba na tere ti mbi.

Sigingo 14:21

Moïse ayoro maboko ti lo na ndö ti kota ngu-ingo. KOTA GBIA atokua mbeni kota pupu ti To so aga aya na ndö ti kota ngu-ingo na bi ni kue si akangbi ya ti kota ngu-ingo ni. Lege azi na ya ni, ndo ni aga kuru sese.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 14:26

Baa yanga so KOTA GBIA amu ndali ti sese kue laa! Baa ngangu so lo ye ti sara na amara kue laa.

Ésaïe 19:5

Fade ngu ti Nil ayeke hole, *bale ayeke hole kasakasa.

Ésaïe 2:19

Na ndembe so KOTA GBIA ayeke londo ti zia mbeto na be ti azo ti sese so, ala yeke li na ya ti adu ti têne nga na ya ti adu ti sese ti kpe ngonzo ti lo, ti kpe gonda ti lo so ayeke kota ahon ndoni.

Ésaïe 23:10

Mo Tir, mo fâ yaka na sese ti mo, tongana ti so a yeke sara na tere ti *bale ti Nil, ngbanga ti so ndo ti lutingo ti amangboko ayeke daa mbeni pepe.

Ésaïe 23:3

na le ti kota ngu-ingo so. Kobe so azo ayeke lu ando na yanga ti ngu ti Nil, kobe so azo ayeke fâ na yanga ti *bale, aye ni kue ayeke ga ti Sidon. Gbata ni ayeke ando gara ti amara nde.”

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 5:25

Ndani laa ngonzo ti *KOTA GBIA alondo tongana wâ na tere ti azo ti lo. Lo yo maboko ti lo na nduzu ti pika ala. Ahoto ayingi, kuâ ti azo ni alango na ndö ti lege tongana zende. Ataa so kue, ngonzo ti KOTA GBIA akai pepe, maboko ti lo angba gi na nduzu.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Jérémie 47:7

– Me yongoro zeme ni alingbi ti wu tere ti lo tongana nyen? KOTA GBIA laa amu yanga na lo ti gue ngbii ti si na Askalon nga na tere ti kota ngu-ingo. Ndo so lo mu yanga na lo ti si daa laa.”

Ezekiel 26:10

Fade fuku ti sese ayeke mu tere ti mo kue ndali ti hongo ti gba ti ambarata ti lo; agbagba ti mo ayeke yingi ndali ti toto ti gere ti ambarata na ti apusu ti mbarata. Ala yeke hon na yanga ti gbagba ti mo ti li na ya ti gbata ni tongana ti so zo ayeke li na ya ti gbata na peko ti so a koro du na ya ti gbagba ni.

Ezekiel 26:4

Azo ni ayeke kungbi na sese agbagba ti bira ti mo, ala yeke kinda na sese ada ti mo so ayo na nduzu; mbi yeke balee afuku ti sese ni, mbi yeke sara titene kota têne so ayeke na gbe ti gbata ni, ndö ni angba senge.

Ezekiel 31:16

Na ndembe so mbi sara si keke so ati si azu na ndo ti akuâ legeoko tongana azo so ali na du na kuâ, azo ama toto ti tingo ti lo ni, tere ti ala ato nda ti do na mbeto. Kâ na gbe ti sese, akeke kue ti Eden, akeke so apendere mingi na ala so awara ngu ti Liban gbani, ala kue be ti ala ade.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

Aggée 2:7

Fade mbi yeke yingi amara kue si apendere ye ti ala ayeke ga ge gbani gbani. Fade mbi yeke sara titene gonda asi singo na ya ti kota da so; tënë so KOTA GBIA atene laa.

Zakarii 14:21

Atawa so kue ayeke na Jérusalem na atawa so kue ayeke na Juda, fade a yeke zia ni nde ndali ti KOTA GBIA so ayeke na ndö ti dunia kue. Azo so kue ayeke ga ti ya *sandaga, ala yeke mu atawa ni ti to na anyama ti sandaga ni. Tongana lango ni so alingbi, fade a yeke kiri ti baa azo ti dengo buze na ya ti kota da ti KOTA GBIA pepe, lo so lo yeke na ndö ti dunia kue so.

Marc 11:17

Na pekoni, lo fa ye na azo ni, lo tene: “Mbeti ti Nzapa atene: ‘Fade a yeke iri da ti mbi da ti sambelango Nzapa ti amara kue.’ Me ti ala, ala sara si da ni aga du so azo ti nzi ayeke honde tere ti ala daa!”

Jean 2:16

Lo tene na azo ti kango ambipa ni, lo tene: “Ala zi aye so kue, ahon na ni! Ala sara si da ti Babâ ti mbi aga ndo ti dengo buze pepe!”