Ésaïe 23:1 - Mbeti ti Nzapa - Tënë so amu fini

¹ Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 23:1 ပူးပေါင်းရင်းမြစ်များ

Tongo nda ti aye 10:4

Amolenge ti Yavan ayeke so: Elisha, Tarsis, Kitim na Rodanim.

1 Agbia 10:22

Biani, gbia ayeke na amangboko ti Tarsis so ayeke tambula na le ti kota ngu-ingo legeoko na amangboko ti gbia Hiram. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

1 Agbia 22:48

Na ngoi ni so, gbia ayeke na kodro ti Edom pepe; me gi mbeni govoronere so gbia ti Juda azia lo na li ti kodro ni.

1 Agbia 5:1

Salomon asara komandema na ndö ti akodro-gbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte. Agbia ti akodro so kue ayeke na gbe ti Salomon, ala yeke futa alapo na lo na ngoi so kue lo ngba na fini.

2 Mbai 9:21

Biani, gbia ayeke na amangboko so ayeke gue na Tarsis; azo ti gbia Hiram laa ayeke kpe na ni. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

Abia (Psaumes) 48:7

Biaku, tere ti ala ato nda ti do si ala ngba gi na ndo oko tongana wali so aga nduru ti du.

Ésaïe 15:8

Na tere ti sese ti Moab kue, azo ayeke dekongo. Abia ti demango tere ti ala ague ngbii asi na Eglaim, ague ngbii asi na du ti ngu ti Elim.

Ésaïe 2:16

Lo yeke fâ ngbanga na li ti akota mangboko ti Tarsis nga na li ti apendere mangboko.

Ésaïe 23:12

Lo tene: “Ala azo ti Sidon, ngia ti ala ahunzi awe, ala yeke tongana maseka-wali so koli asuru lo awe. Ataa ala gue, afâ kota ngu-ingo ngbii ala si na Shipre, kâ, ala lingbi nga ti wu tere ti ala pepe.

Ésaïe 23:6

Ala fâ kota ngu-ingo ni ngbii ala si na Tarsis; ala azo so ayeke lango na tere ti ngu so, ala he bia ti demango tere!

Ésaïe 24:10

Gbata so abuba kue so ati awe, lege ti li na ya ti ada ayeke daa mbeni pepe.

Ésaïe 60:9

Biani, akodro so ayeke na ya ti azoa azia be ti ala ti ku mbi. Amangboko ti Tarsis ahon kozo, ala londo yongoro si ayeke ga na amolenge ti mo; ala yeke ga na wen ti nginza nga na lôro. Ala ga ti gonda KOTA GBIA, Nzapa ti mo, Nzapa ti Israel so ayeke nde si ayeke nzoni kue, Nzapa so amu nengo na mo.

Jérémie 2:10

“Ala gue na zoa ti Kitim, ala baa ye si! Ala tokua azo na Kedar titene ala hunda ndo mbirimbiri si! Tongaso si ala baa wala mbeni ye tongana ti so asi kâ awe.

Jérémie 25:15

Tënë so *KOTA GBIA, Nzapa ti Israel atene na mbi ayeke so: “Mu na maboko ti mbi kopo ti vin so; ngonzo ti mbi asi singo na ya ni. Mu ni na amara so kue mbi yeke tokua mo na mbage ti ala titene ala nyon.

Jérémie 25:22

– agbia kue ti Tir, ti Sidon na ala ti sese so ayeke na mbeni mbage ti kota ngu-ingo;

Jérémie 47:4

ngbanga ti so lango titene ye kue abuba na ndo ti azo ti Filistii alingbi awe, lango ti zi na gbata ti Tir na ti Sidon zo so angba na fini si alingbi ti mu maboko na ala. Biani, KOTA GBIA abuba ye kue na ndo ti azo ti Filistii, so ti tene azo ti zoa ti Kaftor so angba na fini.

Ezekiel 26:1

Na ngu baleoko na oko ni, na kozo lango ti nze ni so a gbu azo, a gue na ala na kodro wande, tënë ti *KOTA GBIA asi na mbi, atene:

Ezekiel 26:2

“*Molenge ti zo, ndali ti so azo ti gbata ti Tir ahe Jérusalem, atene: ‘Huuu! Huuu, ti lo ahunzi awe, gbata so lani azo kue ayeke hon daa so! Fadeso, ngoi ti e alingbi awe titene e wara gba ti mosoro, ngbanga ti so lo ti biani awe!’

Ezekiel 27:30

Ala yeke dema tere na ndö ti mo, ala yeke dekongo na mawa. Ala yeke tuku fuku ti sese na ya ti li ti ala si ala yeke rule na ya ti mburu ti wâ.

Ezekiel 27:6

Ala mu akeke ti shene ti Bashan si ala sara na akâî ti mo; ala mu akeke ti sedre ti azoa ti agreke, ala zia pembe ti doli na tere ni si ala leke na ndö ti mo.

Daniel 11:30

Azo ti mbage ti Do ayeke mu amangboko si ayeke ga ti tiri bira na lo. Be ti lo ayeke woko si lo yeke mu lege ti kiri. Na kiringo ni, lo yeke de ngonzo ti be ti lo na ndö ti azo so Nzapa aga mbuki na ala. Me azo so azia lege ti mbuki ti ala na Nzapa, lo na ala ayeke ma tere.

Jonas 1:3

Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

Wungo ti azo 24:24

Amangboko alondo na mbage ti zoa ti Shipre ti ga. Azo ayeke sara ngangu na azo ti mara ti Asirii nga na azo ti mara ti Eber. Ataa azo ti mara ti Eber ni kue, gigi ti ala ayeke gue ande ti buba.”

Nzoni Tënë so Luc asu na mbeti 10:13

“Mawa na mo, gbata ti Korazen! Mawa na mo, gbata ti Betsaida! Tongana aye ti kpene so asi na ndo ti ala so asi ando na sese ti Tir na ti Sidon, ka azo ni ayu bongo ti mua, ala duti na ya ti mburu ti wâ aninga awe ti fa atene, ala zia ngbene lege ti sarango ye ti ala awe!

Josué 19:29

Katikati ni angoro ti gue na mbage ti Rama nga na mbage ti ngangu gbagba ti gbata ti Tir. Na pekoni, ague na mbage ti Hosa. Ahon na ya ti agbata ti Mahaleb na Akzib ti si na kota ngu-ingo ti Mediterane.