Ésaïe 22:6 - Mbeti ti Nzapa - Tënë so amu fini

⁶ Aturugu ti Elam ayo bozo ti akokora; ala yeke na ndö ti apusu ti mbarata nga na ndö ti ambarata. Aturugu ti Kir aleke *avala ti ala.

Ésaïe 22:6 ပူးပေါင်းရင်းမြစ်များ

Tongo nda ti aye 10:22

Amolenge ti Sem ayeke so: Elam, Asur, Arpaksad, Lud na Aram.

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 15:1

Nengo tënë na ndö ti Moab. Gbata ti Ar-Moab, a buba ni gi na bi ni oko, ye oko angba na ya ni pepe. Gbata ti Kir-Moab, a buba ni gi na bi ni oko, ye oko angba na ya ni pepe.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 22:7

Jérusalem, apusu ti mbarata ti bira asi singo na ya ti apendere popo-hoto ti mo; azo ti kpengo na mbarata aleke tere ti ala ti tiri bira na yanga ti gbata ti mo.

Amos 1:5

Fade mbi yeke sara si angbongboro wen ti yanga ti agbagba ti gbata ti Damas akungbi; mbi yeke mingo makonzi so ayeke na popo-hoto ti Aven, mbi yeke mingo lo so ayeke sara komandema na Bet-Eden. Tongaso fade a yeke gbu azo ti Sirii ti gue na ala na kodro ti Kir”; so tënë ti yanga KOTA GBIA laa.

Amos 9:7

So tënë ti yanga ti *KOTA GBIA laa: “Ala azo ti Israel, na le ti mbi, ala ne ahon azo ti Etiopii? Mbi mu ala na sese ti Ezipte, mbi sigigi na ala, mbi mu nga azo ti Filistii na ti Kaftor, mbi sigigi na ala si mbi mu nga azo ti Sirii na ti Kir, mbi sigigi na ala. Tënë ni ayeke tongaso pepe?”