Ésaïe 22:23 - Mbeti ti Nzapa - Tënë so amu fini

²³ Mbi yeke sara titene lo kpengba na ndo so lo yeke daa tongana kota pondi so a pika si alinda na ndo so akpengba kpengbango.”

Ésaïe 22:23 ပူးပေါင်းရင်းမြစ်များ

Esdras 9:8

Me fadeso, gi na ya ti kete ngoi, KOTA GBIA Nzapa ti e, mo sara nzoni be na e. Mo sara si ambeni zo na popo ti e angba na fini si ala kiri ti duti na sese so mo zia ni nde ndali ti mo. Nilaa mo Nzapa ti e, mo zi le ti e, mo sara si e wara pasa ti duti na fini, ataa so e yeke na gbe ti ngbaa.

Esther 10:3

Biani, Mardochée, zuife so aga kota zo mingi na ya ti kodro ni; na peko ti gbia Zerses, ayeke lo. Ti azuife, lo yeke kota zo mingi na ya ti kodro ni; azo ti mara ti lo aye tënë ti lo mingi. Lo yeke gi gi nzoni ti azo ti kodro ti lo si lo yeke sara kue ti bata siriri ti azo ti mara ti lo kue.

Esther 4:14

Ataa mo ke ti zi yanga na ndö ti ye so asi na e fadeso, ye ti zingo azuife na ya ti mawa nga na ya ti kuâ ayeke londo ande na mbeni ndo nde. Me ti mo na sewa ti mo kue, fade ala yeke kui. Mbi hinga pepe, ndali ti zingo e na ya ti ye ti ngangu tongaso si mo ga wali ti gbia so!”

Mbeti ti Job 36:7

Lo yeke bi le ti lo yamba na azo ti mbirimbiri pepe. Ti agbia, lo yeke zia ala na ndö ti mbata titene ala ngba daa lakue. Me ala yeke ga azo ti baba.

Zo ti bongbingo azo 12:11

Atënë ti azo ti ndara ayeke tongana keke so yanga ni ayo yongo ti kpongo na bagara ti sara si lo tambula. Azo so abongbi atënë ni na mbeti, ala yeke tongana pondi so a pika na ya ti keke si alinda ngangu. So matabisi ti Nzapa laa, lo oko so lo yeke bata azo tongana ataba ti lo.

Ésaïe 22:24

Azo ti sewa ti lo kue, akota zo na akete zo, a yeke kanga ala na tere ti lo tongana ti so a yeke kanga akungba ti ya ti da na tere ti pondi so a pika si alinda na ya ti dere; a yeke kanga akungba ni, ti londo na akete du ti sembe ti si na akota sembe. So nengo kungba!

Ésaïe 22:25

So tënë ti yanga ti KOTA GBIA so ayeke na ndö ti dunia kue laa: “Na lango ni so, wen so a pika si alinda na ndo so akpengba, fade a yeke zi, a yeke kungbi si ayeke ti na sese, anengo kungba so a kanga na tere ni ayeke buba.” KOTA GBIA laa atene tënë so.

Zakarii 10:4

Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.