Ésaïe 22:21 - Mbeti ti Nzapa - Tënë so amu fini

²¹ Mbi yeke mu kota bongo ti kua ti mo ti yu na lo, mbi yeke mu kamba ti ndö ti bongo ti mo ti kanga na ngbonda ti lo, mbi yeke zi komandema ti mo ti mu na lo. Lo yeke ga babâ ti azo ti Jérusalem na ti azo ti Juda.

Ésaïe 22:21 ပူးပေါင်းရင်းမြစ်များ

Tongo nda ti aye 45:8

Tongaso, ala laa atokua mbi ge pepe, me Nzapa laa atokua mbi. Lo sara titene mbi ga tongana babâ ti Faraon, mbi ga makonzi na ndö ti azo na aye ti da ti lo si mbi ga komanda na ndö ti sese ti Ezipte kue.

Esther 8:15

Mardochée asigigi na yangbo ti gbia; lo yu bongo ti gbia so nzoroko ni akpa ngu ti karakanzi si mbeni avuru vurungo. Lo yu nga mbeni kota bongo so abe bengo si lo zia na li ti lo kpoto ti gbia so a sara na lôro. Be ti azo ti gbata ti Suze kue asi na kota ngia si ala yeke dekongo na ngia.

Esther 8:2

Bage ti gbia so ayeke lani na li ti maboko ti Haman so, gbia azi ni si amu na Mardochée. Esther amu Mardochée si azia lo ti baa ndo na ndö ti akungba kue ti da ti Haman.

Mbeti ti Job 29:16

Mbi yeke babâ ti azo ti mawa; mbi yeke baa nda ti tënë ti awande mbirimbiri.

Ezekiel 23:15

Ala kanga kamba ti ndö ti bongo na ngbonda ti ala, ala yu kpoto na li ti ala. Ala kpa akpengba zo ti bira. Ala yeke tongana azo so ayeke lango na Babilone, kodro so a du ala daa.

1 Samuel 18:4

Jonatan azi kota bongo so lo yu, lo mu na David. Lo mu nga na David abongo ti lo ti turugu; ataa yongoro zeme ti lo, kokora ti lo na kamba ti lo so lo yeke kanga na ndö ti bongo, lo mu nga na David.