Ésaïe 22:2 - Mbeti ti Nzapa - Tënë so amu fini

² Ngbanga ti nyen si wuluwulu na wusuwusu asi singo na ya ti gbata ni? Azo ti mo so akui so, ala kui kuâ ti yongoro zeme pepe, a fâ ala na ya ti bira pepe.

Ésaïe 22:2 ပူးပေါင်းရင်းမြစ်များ

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 23:7

Taa gbata ti ala so laa? Gbata so azo ayeke sara ando ngia mingi daa, gbata so abaa gigi aninga awe si ayeke tokua azo ti gue ti zia ando ti dengo buze na ya ti ambeni kodro yongoro so?

Ésaïe 32:13

ndali ti sese ti azo ti mbi so aki na akeke ti ki amu ndö ni kue. Ataa ada so lani azo ayeke duti na ngia daa na agbata so azo ayeke sara matanga daa mingi, aki na akeke ti ki ni amu ni kue.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Ésaïe 37:33

Ndani laa, tënë so KOTA GBIA atene na ndö ti gbia ti Asirii ayeke so: “Fade lo yeke li na ya ti gbata so pepe, lo yeke bi ale ti kokora kâ pepe, lo yeke gbu *vala ti tiri na ni pepe, lo yeke bongbi sese aga *koto na tere ti gbata ni pepe.

Ésaïe 37:36

*Ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Jérémie 38:2

“Tënë so *KOTA GBIA atene ayeke so: ‘Zo so ayeke ngba ande na ya ti gbata so, fade lo yeke kui na lege ti bira, kota nzara na sioni kobela ti bubango kodro. Me zo so ayeke sigigi na ya ti gbata ni ti zia tere ti lo na maboko ti azo ti Babilone, fade lo yeke soo fini ti lo; ye so ayeke ngba na lo ayeke gi fini ti lo.’ ”

Jérémie 52:6

Na lango gumbaya ti nze osio ni, kota nzara ati na ya ti gbata ni; azo ti kodro ni ayeke na kobe ti tengo ni mbeni pepe.

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Abia ti demango tere 2:20

KOTA GBIA, mo baa nga maa! Azo ti mo laa mo sara na ala tongaso? Mo baa, awali so adu amolenge si abata ala so, ala kiri ti te amolenge ni tongana nyen so-oo? Azo ague ngbii ti fâ awayango-sandaga na awayanga-Nzapa taa na ya ti kota da ti mo biani?

Ezekiel 22:5

Ndali ti gba ti sarango ye ti kirikiri ti mo na nengo ti mo so ati na sese, azo so ayeke yongoro na mo wala ala so ayeke nduru na mo, fade ala yeke he mo.

Sofonii 2:15

Baa, ye so ayeke si na gbata so, gbata so aduti ando na ngia so laa! Gbata so abaa ti lo atene, mbeni sioni ye alingbi ti si na lo pepe so; lo tene: “Gi mbi oko awe!” Asara tongana nyen laa gbata ni akiri aga ngonda so? Akiri aga ndo ti lango ti anyama so? Zo so kue ayeke hon nduru na ni ayeke huru yanga ti lo si lo yeke sara maboko ti he na gbata ni.