Ésaïe 22:17 - Mbeti ti Nzapa - Tënë so amu fini

¹⁷ Mo koli-ngangu so, fade *KOTA GBIA ayeke bi mo yongoro, lo yeke kanga mo tongana gba

Ésaïe 22:17 ပူးပေါင်းရင်းမြစ်များ

Esther 7:8

Gbia alondo na ndo so a lu apendere kongo daa so si lo kiri, lo ga na kota ya ti da ti tengo kobe ni. Tongaso, lo baa Haman so ati na tere ti Esther na ya ti kota ngende so Esther ayeke daa. Ngonzo ti gbia akiri alondo ngangu si lo dekongo atene: “Na ndö ni kue, lo ye ti gbu wali ti mbi na ngangu ti lango na lo taa na le ti mbi na ya ti yangbo ti mbi?” Gi so lo tene tënë ni tongaso, azo ti kua ti gbia agbu Haman si ala kanga le ti lo na bongo.

Mbeti ti Job 9:24

Tongana a zia sese na maboko ti azo ti sarango sioni, Nzapa ayeke kanga le ti awafango-ngbanga ni. Tongana lo laa lo sara pepe, zo wa laa asara?

Ésaïe 22:16

Nyen laa mo yeke na ni ge, nyen? Zo wa laa ayeke sewa ti mo ge si mo zi du ti kuâ ndali ti mo, mo leke ni ngbii asi na nduzu, mo zi ndangba ndo ti lango ti mo na ya ti têne so?

Ésaïe 22:18

si lo yeke tokua mo titene mo rule tongana ndembo na ya ti mbeni kodro so akono. Kâ, mo yeke kui ande, mo na apendere pusu ti mbarata ti mo kue, mo so mo yeke zia kota kamene na le ti makonzi ti mo!”

Jérémie 10:18

Biani, tënë so KOTA GBIA atene ayeke so: “Ti fadeso, mbi yeke bi azo ti kodro ni yongoro, tongana ti so a yeke bi ye na *mvingi; mbi yeke pete ala mbage na mbage si ala kpe ahon pepe.”

Jérémie 14:3

Akota zo atokua azo ti kua ti ala ti to ngu, azo ti kua ni ague na du ti ngu, me ala wara ngu pepe. Ala mu lege akiri, ya ti ata ti ala senge; kamene agbu le ti ala, ala yeke na vundu si ala ba li ti ala na sese.