Ésaïe 22:11 - Mbeti ti Nzapa - Tënë so amu fini

¹¹ Ala leke mbeni ndo ti batango ngu na popo ti agbagba use so awe ndali ti ngu ti ngbene du ti batango ngu. Me lo so asara si aye so abaa gigi, ala baa ndo na mbage ti lo pepe. Lo sara aye ni ngbene ye aninga awe, me ala baa lo pepe.

Ésaïe 22:11 ပူးပေါင်းရင်းမြစ်များ

2 Agbia 20:20

Tanga ti atënë na ndö ti Ezekias, na aye ti koli so kue lo sara, na kota du ti ngu so lo zi, na du so lo zi na gbe ti sese titene ngu asua daa ti li na ya ti gbata ni, a su tënë ni na ya ti “Mbeti ti aye so agbia ti Juda asara”.

2 Agbia 25:4

Tongaso azo akoro mbeni du na ya ti gbagba ti gbata ni. Na bi, aturugu ni kue akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Néhémie 3:16

Na peko ti Shalun kâ, Néhémie, molenge ti Azbuk, makonzi ti kete sese ti Bet-Sur, ayeke sara ti lo kua ni ti gue na ni na tere ti du ti kuâ ti David; lo gue na ni ngbii lo si na lende so azo laa azi ni, ngbii lo si na tere ti da ti aturugu ti batango gbia.

Ésaïe 17:7

Na lango ni so, azo ayeke baa ndo na mbage ti lo so lo sara ala, ala yeke yo le ti ala na nduzu na mbage ti Nzapa ti Israel so ayeke nde si ayeke nzoni kue.

Ésaïe 22:10

Ala diko ada ti Jérusalem awe, ala kungbi ambeni da ni na sese ti sara si gbagba ti gbata ni akpengba ngangu.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 37:26

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Ésaïe 7:3

*KOTA GBIA atene na Ésaïe: “Mo mu molenge ti mo Shear-Yashub na tere ti mo, mo gue, mo wara tere na Ahaz. Lo yeke nduru na tere ti du so ngu ayeke sua daa ti gue na ndo so a yeke bata ngu daa na nduzu; du ni ayeke na lege ti yaka ti azo ti sukulango bongo.

Ésaïe 8:17

Mbi yeke ku *KOTA GBIA, lo so lo bi le ti lo yongoro na *ahale ti Jacob; mbi zia be ti mbi ti ku lo.

Jérémie 39:4

Gi so Sedesias, gbia ti Juda, na aturugu ti lo kue abaa azo ni, ala kpe ahon. Ala sigigi na ya ti gbata ti Jérusalem na bi; ala mu lege so ahon na ya ti kete yaka ti gbia nga na yanga ti gbagba so ayeke na popo ti agbagba use. Na pekoni, ala mu lege so ague na popo-hoto ti Jourdain.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.