Ésaïe 21:8 - Mbeti ti Nzapa - Tënë so amu fini

⁸ Sanziri ni adekongo, atene: “Kota zo, mbi ngba na ndo ti kua ti mbi na kota lâ kue, mbi luti na yanga ti kua ti mbi na bi kue.

Ésaïe 21:8 ပူးပေါင်းရင်းမြစ်များ

2 Mbai 20:24

So azo ti Juda asi na ndo so zo alingbi ti luti daa ti baa benyama nzoni, ala baa ndo na mbage ti gba ti awato ti ala, ala baa gi akuâ so ayeke lango na sese; mbeni zo oko asoo kuâ pepe!

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Abia (Psaumes) 63:6

Fade tere ti mbi anzere tongana ti zo so ate anzoni kobe ti mafuta si ya ti lo asi; ngia na yanga, mbi yeke he bia ti gonda na mo.

Ésaïe 5:29

Toto ti aturugu ti ala ayeke tongana ti mama ti bamara, toto ti ala ayeke tongana ti akete bamara, ala gbu nyama si ala yeke dekongo; ala yeke gue na nyama ni si mbeni zo alingbi ti gboto ni na maboko ti ala pepe.

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Ésaïe 62:6

Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Jérémie 25:38

mo baa mo tene, bamara so azia ndo ti lo si ahon. Kodro ti ala aga tongana benyama ndali ti aye ti mawa so bira abi ni kâ; nga ndali ti ngonzo ti wâ ti KOTA GBIA.

Jérémie 4:7

Bamara alondo na ya ti gbako ti lo si ayeke sigigi. Zo ti bubango kodro ti amara nde alondo awe, lo yeke ga. Lo londo na ndo ti lo si lo yeke ga ti buba kodro ti mo; fade lo yeke sara si agbata ti mo aga ngonda si zo ayeke daa mbeni pepe.

Jérémie 49:19

KOTA GBIA atene: “Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Edom makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

Jérémie 50:44

KOTA GBIA atene: Mbi yeke duti tongana bamara so asigigi na ya ti pere ti yanga ti ngu ti Jourdain ti gue na ndo so anyama ayeke wara fini pere daa. Gi hio tongaso, mbi yeke sara si azo ni kue alondo ahon. Na pekoni, mbi yeke zia na ndö ti Babilone makonzi so mbi yeke soro lo. Biani, zo wa laa alingbi na mbi, zo wa? Zo wa laa alingbi ti gue na mbi na gbe ti ngbanga, zo wa? Zo ti li ni wa laa alingbi ti gbu le ni na mbi, zo wa?”

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.