Ésaïe 21:4 - Mbeti ti Nzapa - Tënë so amu fini

⁴ Li ti mbi aga kirikiri, mbeto ahon ndö ti mbi. Mbi yeke ku fade lakui ti wu pupu, me lakui ni akiri aga ye ti zia kota mbeto na be ti mbi.

Ésaïe 21:4 ပူးပေါင်းရင်းမြစ်များ

1 Agbia 1:49

Azo so kue Adonia atisa ala ado na mbeto na mango tënë so. Ala londo si zo oko oko amu lege ti lo ti hon.

Esther 5:12

Haman akiri atene: “Na ndö ni kue, gi mbi oko laa Esther, wali ti gbia, atisa mbi ti mu peko ti gbia ti gue na matanga ti tengo kobe so lo leke ni laso. Kekereke nga, gi mbi na gbia si lo kiri lo tisa e ti gue!

Abia (Psaumes) 55:5

Be ti mbi ayeke do mingi na ya ni kâ; mbeto ti kuâ agbu mbi.

Abia (Psaumes) 55:6

Mbeto asara mbi mingi, tere ti mbi ayeke do; mbeto ahon ndö ti mbi.

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Jérémie 51:39

Na ndembe so nzara ti aye ayeke gbi be ti ala tongana wâ, mbi yeke leke matanga ti tengo kobe ndali ti ala. Mbi yeke mu na ala samba, ala nyon ngbii ahon ndö ti ala. Fade ala yeke lango kpu na kpu, ala yeke kiri ti zingo pepe; so tënë ti yanga ti KOTA GBIA laa.

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Daniel 5:1

Mbeni lâ, gbia Baltazar asara kota matanga ti tengo kobe ndali ti akota zo ti lo so wungo ti ala ayeke saki oko si na dawa ti ala, lo nyon samba.

Daniel 5:30

Gi na bi ni, azo afâ Baltazar, gbia ti Babilone.

Daniel 5:5

Taa gi na ndembe ni so, maboko ti zo asigigi nduru na tere ti gere ti alamba. Maboko ni ayeke su mbeti na tere ti vuru dere ti yangbo ti gbia ni. So gbia abaa maboko so ayeke su mbeti ni,

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Ndia ti fani use ni 28:67

Tongana ala baa ande aye so ayeke si, fade be ti ala ayeke do na kota mbeto. Na ndaperere, ala yeke tene: “Ae, tongana lakui fade si!” Na lakui, ala yeke tene: “Ae, tongana ndo ahan fade, ka ayeke nzoni!”

Ndia ti fani use ni 32:11

KOTA GBIA ayeke tongana *ngoalo so ayeke huru na ndö ti da ti lo, lo yeke iri akete molenge ti lo ti huru nga. Lo yeke zi ya ti *akpangi ti lo, lo yo ala na ndö ti kpangi ti lo.