Ésaïe 21:12 - Mbeti ti Nzapa - Tënë so amu fini

¹² Sanziri ni akiri tënë: “Ndo ayeke han si na pekoni, ndo ayeke kiri ti vuko. Tongana ala ye ti kiri ti hunda ndo, ala hunda senge! Ala lingbi ti kiri ti ga mbeni lâ.”

Ésaïe 21:12 ပူးပေါင်းရင်းမြစ်များ

Ésaïe 17:14

Na lakui, ala yeke zia kota mbeto na be ti azo; me kozo titene ndo ahan, mbeni ye oko akiri angba pepe. Azo so ayeke gbu aye ti e, baa ye so ayeke si ande na ala laa; azo so ayeke nzi aye ti e, baa ye so ayeke si ande na ala laa.

Ésaïe 21:11

Nengo tënë na ndö ti Duma. Ti londo na Seir, mbeni go adekongo na mbi, atene: “Sanziri, bi aga nduru ti hunzi awe? Sanziri, bi aga nduru ti hunzi awe?”

Ésaïe 21:13

Nengo tënë na ndö ti Arabii. Ala azo ti Dedan so ayeke tambula na lege so, ala yeke lango ande na benyama ti Arabii.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Jérémie 50:27

Ala fâ angangu turugu ti lo kue, ala gue na aturugu ni na ndo ti fango azo! So ye ti mawa na aturugu ni! Biani, lango ni alingbi awe, ndembe so KOTA GBIA ayeke ga na tere ti ala!

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Ezekiel 7:10

“Baa, lango ti fango ngbanga laa! Ngoi ti ala alingbi awe! Sarango ngangu na zo ayeke gue guengo na nduzu, sarango baba ayeke mai maingo.

Ezekiel 7:12

Ngoi ni alingbi awe! Lango ni aga nduru awe! Ayeke nzoni zo ti vongo ye akai ngia ti lo, zo ti kango ye aduti na vundu pepe, ngbanga ti so ngonzo ti mbi ti wâ ayeke londo na tere ti azo ti kodro ni kue.

Abdias 1:1

So ayeke ye so Abdias abaa na ya ti mbeni ye tongana bango-li. Tënë so Kota Gbia NZAPA atene na ndö ti azo ti mara ti Edom laa. *KOTA GBIA atokua mbeni zo na popo ti amara nde, e ma zo ti tokua ni atene: “Ala londo, e gue, e ti na ndö ti gbata ni! E tiri bira!”