Ésaïe 21:1 - Mbeti ti Nzapa - Tënë so amu fini

¹ Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Ésaïe 21:1 ပူးပေါင်းရင်းမြစ်များ

Mbeti ti Job 37:9

Ngangu pupu alondo na mbage ti Mbongo si ayeke ga, de alondo na mbage ti Banga.

Ésaïe 13:1

Nengo tënë na ndö ti Babilone; ye so Ésaïe, molenge ti Amoz abaa na ya ti mbeni ye tongana bango-li.

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 14:14

Mbi yeke ma na ndö ti ambinda, mbi yeke ga tongana Nzapa so ayeke na yayu kâ na ndö ti aye kue.”

Ésaïe 14:23

Fade mbi yeke sara titene Babilone aga ndo ti potopoto, ndo so abelu ayeke lango daa. Mbi yeke zi Babilone na balee so ayeke zi azende kue. So tënë ti yanga ti KOTA GBIA so ayeke na ndö ti dunia kue laa.”

Ésaïe 17:1

Nengo tënë na ndö ti Damas. Baa, Damas ayeke kiri ti ngba gbata pepe, gi gba ti atêne laa ayeke ngba.

Ésaïe 47:1

*KOTA GBIA atene: “Babilone, pendere gbata, mo zu, mo duti na ya ti fuku ti sese; kua ti mo ti gbia-wali ahunzi awe! Gbata ti azo ti Babilone, mo duti taa na sese, ngbanga ti so a yeke kiri ti iri mo pepe: ‘Babilone, wali so maboko ti lo ayeke ndu ye oko pepe’, ‘Babilone, *wali-ndomo’.

Ésaïe 5:28

Ala leke yanga ti ale ti kokora ti ala aza, ala gboto ya ti kamba ti kokora ti ala. Asokoto ti gere ti ambarata ti ala akpengba tongana têne, gere ti apusu ti ambarata ti ala ayeke turne wirrr tongana ngangu pupu.

Jérémie 51:1

Tënë so *KOTA GBIA atene ayeke so: “Mbi yeke tokua mbeni pupu ti bubango ye na ndö ti Babilone nga na ndö ti azo ti kodro ni.

Jérémie 51:42

Kota ngu-ingo asuku amu Babilone awe; *amapo ti kota ngu-ingo ni atoto ngangu si akanga ndö ti Babilone kue.

Jérémie 51:51

“Kamene ahon ndö ti e na ndembe so e ma zonga so azo azonga na e. Li ti e kue aba na kamene na ndembe so awande ali na da ti KOTA GBIA so ayeke nde si ayeke nzoni kue.”

Ezekiel 1:4

Ye so mbi baa ayeke so: mbeni ngangu pupu alondo na mbage ti Banga si ayeke ga. Pupu ni ayeke ga na mbeni ngbongboro mbinda; mbeni ngangu lumiere ti vukongo le ti zo angoro mbinda ni si awâ ti bekpa ayeke kpe na ya ni nzerrr nzerrr. Taa na be ti mbinda ni, ale ti wâ ayeke za daa lawu lawu si mbeni ye ayeke za daa tongana lôro so a yoro ni na ya ti wâ.

Ezekiel 30:11

Lo na azo ti lo, azo ti lo so ayeke sara sioni na zo ahon amara kue, ayeke ga ti buba kodro ni. Ala yeke tiri bira na azo ti Ezipte, ala yeke sara si akuâ asi singo na ya ti kodro ni.

Ezekiel 31:12

Awande, ala so asara sioni mingi na zo ahon amara kue, ade lo na sese si ala do lo azia. Amaboko ti lo ati na ndö ti ahoto nga na apopo-hoto. Amaboko ti lo akungbi si alango na ya ti adu kue ti kodro ni so ngu ayeke sua daa. Azo ti kodro so lani aduti na gbe ti de ti lo ahon, ala do lo azia.

Ezekiel 38:9

Mo na aturugu ti mo kue nga na gba ti amara so ayeke na tere ti mo, ala yeke ga ti tiri bira na azo ni; ala yeke ti na ndö ti azo ni tongana kota pupu; ala yeke kanga ndö ti kodro ti ala tongana gba ti mbinda.

Daniel 11:40

‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Zakarii 9:14

Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.