Ésaïe 20:5 - Mbeti ti Nzapa - Tënë so amu fini

⁵ Azo so azia be ti ala ando na ndö ti Etiopii, azo so ayeke pika kate ti ala ndali ti maboko so Ezipte ayeke mu na ala, fade kamene ayeke gbu le ti ala.”

Ésaïe 20:5 ပူးပေါင်းရင်းမြစ်များ

2 Agbia 18:21

Baa, fadeso mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Ésaïe 30:3

Me Faraon so ala baa lo tongana gbagba ti batango ala so, lo yeke zia kamene na le ti ala; gbe ti de ti Ezipte so ala yeke gi ti honde tere daa so, fade ayeke zia kota kamene na le ti ala.

Ésaïe 30:5

Fade kamene ayeke gbu le ti ala kue ndali ti azo so alingbi ti sara ye oko ndali ti ala pepe. Azo ni ayeke mu maboko na ala pepe, azo ni ayeke sara nzoni ye oko na ala pepe, me azo ni ayeke zia gi kota kamene na le ti ala, ala yeke bi buba na tere ti ala.

Ésaïe 30:7

Biani, maboko so Ezipte amu ayeke ye senge, alingbi ti sara ye oko pepe. Ndani laa mbi di iri ti kodro ni “Rahab so angba gi ndo oko”.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 36:6

Baa, mo zia be ti mo na ndö ti Ezipte so ayeke tongana sosongo so afâ awe. Tongana zo agbu ni ti luti daa, ayeke kpo ya ti maboko ti lo. Faraon, gbia ti Ezipte ayeke nga tongaso ndali ti azo so kue azia be ti ala na ndö ti lo.

Ésaïe 36:9

Na popo ti azo ti kua ti gbia ti mbi, ataa gi kete ni oko, mo lingbi ti tumba lo? Mo so mo zia be ti mo gi na ndö ti Ezipte titene mo wara apusu ti mbarata na azo ti kpengo na ni so!

Ésaïe 37:9

Me gbia ti Asirii ama a tene, Tiraka, gbia ti Etiopii ayeke ga ti tiri bira na lo. Gi so lo ma tënë so, lo tokua azo na Ezekias, lo tene:

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 46:25

KOTA GBIA so ayeke na ndö ti dunia kue, Nzapa ti Israel atene: “Mbi yeke ga na tere ti Amon, nzapa ti Tebes, lo na Ezipte na anzapa ti lo nga na agbia ti lo; mbi yeke ga na tere ti Faraon na azo so kue azia be ti ala na ndö ti lo.

Ezekiel 29:16

Fade azo ti Israel ayeke kiri ti zia be ti ala na ndö ti kodro ni pepe ti duti na siriri. Ala yeke kiri ti sara siokpari pepe na lege so ala yeke hunda na azo ti Ezipte ti mu na ala maboko. Tongaso, fade azo ayeke hinga atene, mbi laa mbi yeke KOTA GBIA.”

Nahum 3:9

Kodro ti Etiopii na ti Ezipte laa ayeke mu ando ngangu na lo, ngangu so ayeke hunzi pepe. Azo ti Put na ti Libii ayeke azo ti mungo maboko na lo.

Sofonii 2:12

“Ala azo ti Etiopii nga, fade mbi yeke sara si ala kui na ya ti bira.”

1 Korente 3:21

Ndani laa, ayeke nzoni zo oko apika kate ti lo ndali ti mbeni zo pepe, ngbanga ti so ye kue ayeke ti ala, a-ita: