Ésaïe 20:3 - Mbeti ti Nzapa - Tënë so amu fini

³ Na ngoi so a mu gbata ti Asdod, KOTA GBIA atene tënë na lege ti Ésaïe, atene: “Baa, ngu ota laa Ésaïe, zo ti kua ti mbi atambula tere ti lo senge, gere ti lo senge. Ye ni afa mbeni ye so ayeke si, ye ti gbotongo mê ndali ti Ezipte na Etiopii.

Ésaïe 20:3 ပူးပေါင်းရင်းမြစ်များ

Ésaïe 19:4

Mbi yeke zia azo ti Ezipte na gbe ti komandema ti mbeni makonzi so aso mingi; mbeni gbia ti ngangu ayeke sara komandema na ndö ti ala.” So tënë ti yanga ti Kota Gbia NZAPA so ayeke na ndö ti dunia kue laa.

Ésaïe 37:9

Me gbia ti Asirii ama a tene, Tiraka, gbia ti Etiopii ayeke ga ti tiri bira na lo. Gi so lo ma tënë so, lo tokua azo na Ezekias, lo tene:

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Ésaïe 8:18

Mbi na amolenge so KOTA GBIA amu na mbi, e yeke tongana mbeni ye so ayeke fa ye so ayeke si na Israel. E yeke tongana ye ti kpene ndali ti KOTA GBIA so ayeke na ndö ti aye kue, lo so lo yeke duti na ndö ti hoto ti *Sion.

Jérémie 13:1

Tënë so *KOTA GBIA atene na mbi ayeke so: “Gue mo vo kamba ti ndö ti bongo so a sara na *len, mo kanga ni na ngbonda ti mo, me mo yoro ni na ya ti ngu pepe.”

Ezekiel 12:6

Na le ti azo kue, mo yeke yo akungba ni na ndö ti go ti mo, mo sigigi na ni na bi. Mo yeke bi bongo na le ti mo si mo baa kodro ni pepe. Biani, mbi sara si mo ga ye so ayeke fa ye so ayeke si na azo ti Israel.”

Ezekiel 30:4

Bira ayeke ga na ndö ti Ezipte; azo ayeke do na mbeto ngbii asi na Etiopii. A yeke fâ azo ti Ezipte gbani, a yeke nzi amosoro ti ala, a yeke buba kodro ti ala biani biani.

Ezekiel 30:6

Tënë so mbi KOTA GBIA, mbi tene ayeke so: Ti londo na Migdol ngbii asi na gbata ti Asuan, azo so amu mbage ti Ezipte, fade ala yeke kui na ya ti bira; ngangu so Ezipte ayeke fa baba ni ayeke ti na gbeni. So tënë ti yanga ti Kota Gbia NZAPA laa.

Ezekiel 4:1

*KOTA GBIA akiri atene na mbi: “Ti mo, *molenge ti zo, mo mu mbeni biriki oko, mo zia na sese na dawa ti mo; mo kpaka limo ti mbeni gbata na ndö ni, so ti tene Jérusalem.

Ezekiel 4:3

Mo mu mbeni kota le ti wen, mo zia ni aluti na popo ti mo na gbata ni. Mo baa ndo na mbage ti gbata ni si le ti mo angba gi na ndö ni: mo laa mo yeke sara bira na gbata ni. Aye so kue aye ti fa mbeni ye ti gbotongo mê ti azo ti Israel.

Sofonii 2:12

“Ala azo ti Etiopii nga, fade mbi yeke sara si ala kui na ya ti bira.”

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Wungo ti azo 14:34

Ala mu lani lango baleosio ti *bembe ndo na ya ti kodro ni; nilaa asioni ye so ala sara so, ala yeke baa pasi na peko ni na ya ti ngu baleosio; so ti tene ngu oko ndali ti lango oko, ngu oko ndali ti lango oko. Tongaso, ala yeke hinga atene, sarango ngangu li na mbi, ayeke sioni mingi.