Ésaïe 2:9 - Mbeti ti Nzapa - Tënë so amu fini

⁹ Ndani laa, fade azo ayeke ba li ti ala na sese, kamene ayeke gbu le ti ala. KOTA GBIA, zi siokpari na li ti ala pepe!

Ésaïe 2:9 ပူးပေါင်းရင်းမြစ်များ

Néhémie 4:5

Ti awato ti e, ala tene: “Kozoni si e si na popo ti ala, ala yeke hinga tënë ni oko pepe, ala yeke baa e oko pepe. Tongaso e yeke ti na ndö ti ala ti fâ ala si e yeke sara titene kua ni akai.”

Abia (Psaumes) 49:2

Ala, azo ti amara kue, ala ma tënë so, ala azo ti ndö ti dunia kue, ala dingi mê ti ala, ala ma tënë so.

Abia (Psaumes) 59:5

Mbi sara sioni oko pepe, me ala kpe hio, ala leke tere ti ala ti tiri na mbi. Zingo na lango! Ga na mbage ti mbi, mo baa ye si!

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 5:15

Azo kue ayeke ba li ti ala na sese, azo ayeke kiri na kete ndo; kamene ayeke gbu le ti azo ti baba.

Ésaïe 5:16

KOTA GBIA so ayeke na ndö ti dunia kue, a yeke ya iri ti lo na lege ti fango ngbanga ti lo; Nzapa so ayeke nde si ayeke nzoni kue, lo yeke fa so lo yeke nde si lo yeke nzoni kue na lege ti mbirimbiri ti lo.

Ésaïe 57:9

Mo mu mafuta, mo gue na ni na kota gbia, mo gue na mara ti ayombo nde nde. Mo tokua azo ti mo yongoro kâ, ala zu ngbii, ala si na ndo ti akuâ.

Jérémie 18:23

Mo KOTA GBIA, mo hinga apialo so kue ala leke na tere ti mbi ti fâ mbi. Mo zi sioni na li ti ala pepe, sara si siokpari ti ala ahon na le ti mo pepe. Ayeke nzoni ala ti na sese na dawa ti mo. Na ndembe ti ngonzo ti mo, mo sara sana na ala.

Marc 3:29

Me zo so azonga Yingo-Vuru, fade Nzapa ayeke zi tënë ni na li ti lo laoko pepe; siokpari ni ayeke ngba na li ti lo kpu na kpu.”

Rome 3:23

azo kue asara siokpari awe, ala lingbi ti baa gonda ti Nzapa pepe.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Kolose 2:23

Biani, na le ti azo, andia so akpa ye ti ndara: vorongo Nzapa ti li ti zo wani, sarango tere tongana kete zo, sarango tere na pasi; me so kue ayeke gi asenge senge ye ndali ti so, aye ni alingbi ti sara si zo akanga anzara ti be ti lo pepe.

Josué 24:19

Josué atene na azo ni, atene: “Ala lingbi ti sara kua na KOTA GBIA pepe, ngbanga ti so lo yeke Nzapa so lo yeke nde si lo yeke nzoni kue; lo yeke Nzapa so ayeke sara mbanda ti azo ti lo. Ndali ngangu li ti ala na siokpari ti ala, fade lo yeke zi tënë na li ti ala pepe.