Ésaïe 2:5 - Mbeti ti Nzapa - Tënë so amu fini

⁵ *Ahale ti Jacob, ala ga e tambula na ya ti lumiere ti KOTA GBIA!

Ésaïe 2:5 ပူးပေါင်းရင်းမြစ်များ

Abia (Psaumes) 36:10

Aye kue abaa gigi gi na lege ti mo; e ngba na fini gi na lege ti lumiere ti mo.

Abia (Psaumes) 89:15

Gere ti mbata ti mo ti gbia aluti na ndö ti ye ti mbirimbiri na fango ngbanga ti mbirimbiri. Na ndo so kue mo yeke gue daa, nzoni be na taa-tënë laa amu dawa ti mo.

Abia (Psaumes) 89:16

Ti ala nzoni, azo so ahinga ti dekongo na ngia na mo KOTA GBIA! Fade ala yeke tambula na lumiere ti le ti mo.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

1 Jean 1:5

Tënë so e ma na yanga ti lo si e yeke fa peko ni na ala ayeke so: Nzapa ayeke lumiere, vukongo ndo ayeke na ya ti lo oko pepe.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.