Ésaïe 2:4 - Mbeti ti Nzapa - Tënë so amu fini

⁴ Lo yeke fâ ngbanga na popo ti amara nde, lo yeke leke tënë na popo ti amara gbani gbani. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Ésaïe 2:4 ပူးပေါင်းရင်းမြစ်များ

Abia (Psaumes) 110:6

Lo fâ ngbanga na li ti amara kue; akuâ ayeke gi na ndoni na ndoni; na ndö ti sese kue, lo nika azo ti li ni.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 46:9

Ala azo, ala ga abaa ye so KOTA GBIA asara; aye so lo buba na ndö ti sese!

Abia (Psaumes) 82:8

O Nzapa, londo, mo fâ ngbanga ti azo ti sese! Biani, amara kue ayeke ti mo.

Abia (Psaumes) 96:13

na dawa ti KOTA GBIA! Biani, lo yeke ga, lo yeke ga ti fâ ngbanga ti azo ti sese; lo yeke fâ ngbanga ti azo ti dunia so mbirimbiri, lo yeke fâ ngbanga ti azo na lege ti taa-tënë.

Ésaïe 32:17

Sarango ye ti mbirimbiri ayeke du siriri, ayeke sara si azo aduti kpoo, mbeni ye ti sioni ayeke si na ala pepe kpu na kpu.

Ésaïe 32:18

Fade azo ti KOTA GBIA ayeke duti na ndo so siriri ayeke daa, na ya ti ada so zo alingbi ti zia be ti lo na ndö ni, na ndo so ayeke nzoni si ayeke kpoo.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 42:3

Sosongo so a ba na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe. Me lo yeke fa taa lege ti sarango ye ti mbirimbiri na azo.

Ésaïe 9:5

Biani, a du na e molenge awe, a mu na e molenge-koli awe. Nzapa azia komandema na maboko ti lo. Fade a yeke di iri ti lo: Zo ti kpene, Wamungo-wango, Nzapa ti ngangu, Babâ ti lakue lakue, Makonzi ti siriri.

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Osée 2:18

“Na lango ni so, fade mo yeke iri mbi: ‘koli ti mbi’, – so tënë ti yanga ti *KOTA GBIA laa – mo yeke kiri ti iri mbi pepe: ‘baal ti mbi, wa ti mbi’.

Osée 2:20

Na lango ni so, ndali ti azo ti mbi, fade mbi yeke sara mbuki na anyama ti ngonda, andeke ti nduzu, anyama so ayeke hara harango na sese. Mbi yeke zi kokora, yongoro zeme na aye ti bira na ya ti kodro ni; mbi yeke sara titene azo ti kodro ni alango kpoo.

Mishe 4:3

Lo yeke fâ ngbanga na popo ti amara gbani gbani, lo yeke leke tënë na popo ti angangu mara, ngbii asi na ala so ayeke na yongoro ndo. Amara ni ayeke mu ayongoro zeme ti ala ti sara na akpoka; ala yeke mu alikongo ti ala ti sara na azeme ti fango na ale ti kobe. Mbeni mara ayeke kiri ti mu yongoro zeme na tere ti mbeni mara pepe; azo ayeke kiri ti manda lege ti tiringo bira pepe.

Zakarii 9:10

Fade lo yeke zi apusu ti mbarata ti bira na Efraim, lo yeke zi ambarata na Jérusalem; lo yeke fâ ya ti akokora ti bira si lo yeke zia siriri na popo ti amara. Komandema ti lo ayeke londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Aye so Nzapa afa 19:11

Na pekoni, mbi baa yanga ti yayu azi si mbeni vuru mbarata ayeke daa; iri ti lo so aduti na ndö ti mbarata ni ayeke “Zo ti batango tënë ti yanga ti lo” nga na “Zo ti tenengo taa-tënë.” Lo yeke fâ ngbanga na legeni si lo yeke tiri bira na lege ti mbirimbiri.

1 Samuel 2:10

Azo so alondo ti tiri na KOTA GBIA, fade lo yeke kungbi ya ti ala. Na nduzu kâ, lo yeke tokua bekpa ti sungba na ndö ti ala. Fade KOTA GBIA ayeke fâ ngbanga ti azo ti sese kue. Lo yeke mu ngangu na zo so lo zia lo gbia; zo so KOTA GBIA asoro lo ti ga gbia, fade lo sara si lo wara ngangu mingi.”