Ésaïe 2:3 - Mbeti ti Nzapa - Tënë so amu fini

³ Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 2:3 ပူးပေါင်းရင်းမြစ်များ

Esther 9:27

Ala sara si alango use so aga mbeni ndia ndali ti ala wani, ndali ti ahale ti ala nga na azo so kue ayeke ga azuife; ala yeke bata ande alango ni so tongana alango ti matanga. Ala yeke sara ande ni lakue lakue taa gi na lango ni so, na ngu oko oko alingbi na yanga so Mardochée amu na ala.

Abia (Psaumes) 102:23

na ndembe so azo ti amara nde na ti akodro kue ayeke bongbi ti voro KOTA GBIA.

Abia (Psaumes) 110:2

Fade KOTA GBIA ayeke sara titene ngangu komandema ti mo alondo na gbata ti *Sion si ague na ndo kue. Sara komandema na ndö ti awato so angoro mo!

Abia (Psaumes) 119:171

Ayeke nzoni yanga ti mbi atene tënë ti sepelango mo, ngbanga ti so mo yeke fa na mbi ambela ti mo!

Abia (Psaumes) 122:1

A yeke he bia so na ndembe ti guengo ni na Jérusalem. Bia ti David. Be ti mbi anzere mingi, tongana a tene na mbi: “Ga e gue na da ti *KOTA GBIA!”

Abia (Psaumes) 48:1

Bia ti azo ti Kore.

Ésaïe 1:26

Mbi yeke kiri ti mu na mo awafango-ngbanga tongana ti ando; mbi yeke kiri ti mu na mo awamungo-wango tongana ti kozoni. Na pekoni, fade azo ayeke mu iri na mo, atene: ‘Gbata ti fango ngbanga ti mbirimbiri’, ‘Gbata so abata be ti lo Nzapa’.”

Ésaïe 11:10

Na lango ni so, lo so ayeke molenge ti Yese ayeke ga bendere ndali ti azo ti sese. Amara nde ayeke gi lo; ndo so lo yeke duti daa, gonda ti Nzapa ayeke mu ni kue.

Ésaïe 19:23

Na lango ni so, mbeni lege ayeke londo na Ezipte ti si na Asirii. Azo ti Asirii ayeke gue na Ezipte si azo ti Ezipte ayeke gue na Asirii. Ala kue ayeke bongbi ti voro KOTA GBIA.

Ésaïe 28:9

Ala yeke hunda ndo, atene: “Ésaïe ayeke fa ti lo ye ni na zo wa? Lo yeke fa nda ti atënë ti Nzapa ni na zo wa? Na amolenge so a zi ala na yanga ti me fafadeso? Na akete molenge so a gbanzi ala na me fafadeso?

Ésaïe 44:5

Mbeni zo oko ayeke tene: ‘Mbi yeke ti KOTA GBIA’, mbeni ayeke mu iri ti Jacob, mbeni nde ayeke su na ndö ti maboko ti lo: ‘Mbi yeke zo ti KOTA GBIA’ si lo yeke mu iri ti Israel ti zia na ndö ti lo.”

Ésaïe 56:5

fade mbi yeke mu na ala mbeni ndo na ya ti kota da ti mbi, mbi yeke zia mbeni têne na tere ti dere ti da ni titene ala su iri ti ala na ndö ni; so ayeke duti nzoni ahon amolenge-koli na amolenge-wali. Iri so mbi yeke mu na ala ayeke ngba lakue lakue, mbeni ye ayeke zi ni oko pepe.”

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Ésaïe 65:11

“Me ti ala, ala so ado mbi azia, ala so agirisa lege ti guengo na hoto ti mbi so ayeke nde si ayeke nzoni kue, ala so ayeke mu kobe na Gad, ala so ayeke bongbi samba si ayeke mu na *sandaga na Meni,

Ésaïe 66:20

Tongaso, azo ti amara ni ayeke mu a-ita ti ala, azo ti Israel kue ti kiri na ala: amara ni ayeke ga na a-ita ti ala ni na ndö ti mbarata, na ya ti apusu, na ya ti apusu ti mbarata so a sara da na ndö ni, na ndö ti *apâkârâ, na ndö ti *azambala ngbii ala si na Jérusalem, na ndö ti hoto ti mbi so ayeke nde si ayeke nzoni kue. Ye ni ayeke duti tongana *sandaga ti ala so ala mu na mbi. Mbi yeke yeda na ni tongana sandaga so azo ti Israel ayeke zia na ya ti sembe so ayeke *nzoni si ala yeke ga na ni na ya ti kota da ti mbi. Tënë so mbi KOTA GBIA, mbi tene laa.

Jérémie 12:16

Tongana azo ni amanda lege ti dutingo ni tongana ti azo ti mbi, tongana azo ni adeba na iri ti mbi, atene: ‘KOTA GBIA ayeke na fini!’, tongana ti so a fa na ala ti deba na iri ti *Baal, fade azo ni ayeke wara ndo ti duti daa na popo ti azo ti mbi.

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 31:6

Biani, mbeni lango ayeke ga so asanziri ayeke dekongo na li ti ahoto ti Efraim, atene: Ala londo! E gue na *Sion, e gue na mbage ti KOTA GBIA Nzapa ti e!’ ”

Ezekiel 40:2

Na ya ti mbeni ye tongana bango-li, Nzapa amu mbi, ague na mbi na sese ti Israel. Lo zia mbi na ndö ti mbeni hoto so ayo na nduzu mingi. Gba ti ada so akpa ada ti mbeni gbata ayeke na ndö ti hoto ni, na mbage ti Mbongo.

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Mishe 4:2

Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Matthieu 7:24

“Tongaso, zo so kue ama atënë so mbi tene si asara ye alingbi na ni, lo yeke tongana koli so ayeke na ndara si asara da ti lo na ndö ti kota têne.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 4:22

Ala azo ti Samarii, ala yeke voro Nzapa so ala hinga lo pepe, me e yeke voro ti e Nzapa so e hinga lo, ngbanga ti so ye so ayeke soo zo na kuâ alondo na mbage ti azuife.

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Rome 10:18

Tongaso mbi hunda ndo, mbi tene: azo ti Israel ama tënë so a yeke fa so pepe? Biani, ala ma tënë ni kue! Mbeti ti Nzapa atene: “Azo ama go ti azo ti fango tënë na ndö ti sese kue, tënë ti ala asi na nda ti dunia kue.”

Ndia ti fani use ni 33:19

Fade ala yeke iri amara ti gue na li ti hoto ti Nzapa. Kâ, ala yeke ya asandaga na lege ti ndia ni, ngbanga ti so mosoro ti ala aga na le ti kota ngu-ingo si anzoni ye ti ala ahonde na ya ti mbutu.”

Ndia ti fani use ni 6:1

Moïse atene: So ayeke atënë ti yanga, aye so ndia afa nga na atënë ti ndia so *KOTA GBIA Nzapa ti ala amu yanga na mbi ti fa ni na ala, tongaso si ala lingbi ti sara ye alingbi na ni na ya ti kodro so ala yeke gue ti mu ni titene aga ti ala.

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.