Ésaïe 2:22 - Mbeti ti Nzapa - Tënë so amu fini

²² Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Ésaïe 2:22 ပူးပေါင်းရင်းမြစ်များ

Tongo nda ti aye 2:7

KOTA GBIA Nzapa amu fuku ti sese, lo sara na zo. Na pekoni, lo huru pupu so ayeke sara titene zo aduti na fini na ya ti hon ti zo ni si zo ni aga zo so ayeke na fini.

Tongo nda ti aye 7:22

Aye so kue ayeke wu pupu si ayeke na fini, na aye so kue ayeke na ndö ti sese akui.

Mbeti ti Job 27:3

Tongana mbi ngba ti wu, tongana pupu ti Nzapa angba na du ti hon ti mbi,

Abia (Psaumes) 146:3

Ala azo, ala zia be ti ala na ndö ti amakonzi pepe; amakonzi ayeke asenge zo, ala lingbi ti soo zo pepe.

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Abia (Psaumes) 8:4

Tongana mbi baa le ti nduzu, ye so maboko ti mo asara, tongana mbi baa nze na atongoro so mo zia ala kâ, mbi hunda tere ti mbi, mbi tene:

Ésaïe 40:15

Na le ti lo, amara nde ayeke tongana kete kete ngu so alondo na ya ti tawa si ati! Ala yeke tongana le ti fuku ti sese so a zia na ndö ti kilo. Azo so ayeke na yongoro ndo ayeke tongana kete le ti fuku ti sese so ane pepe.

Ésaïe 40:17

Na le ti KOTA GBIA, azo ti mara kue ayeke ye oko pepe; ala yeke gi senge senge ye, ala yeke tongana pupu senge.

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Malashii 3:15

Ti fadeso, e lingbi ti tene: azo ti baba laa ayeke duti nzoni. Ataa azo ti sioni, aye ti ala ayeke ga nzoni. Tongana ala gi yanga ti Nzapa, ye oko ayeke sara ala pepe!’ ”

Jacques 4:14

Ala hinga ye so ayeke si na gigi ti ala ti kekereke? Ala yeke gi tongana guru so asigigi na le ti ngu si kete na pekoni ahon.