Ésaïe 2:19 - Mbeti ti Nzapa - Tënë so amu fini

¹⁹ Na ndembe so KOTA GBIA ayeke londo ti zia mbeto na be ti azo ti sese so, ala yeke li na ya ti adu ti têne nga na ya ti adu ti sese ti kpe ngonzo ti lo, ti kpe gonda ti lo so ayeke kota ahon ndoni.

Ésaïe 2:19 ပူးပေါင်းရင်းမြစ်များ

2 Samuel 22:46

Be ti awande ni awoko kue awe; tongana ala londo na ya ti gbagba ti bira ti ala ti sigigi, tere ti ala ayeke do dongo.

Mbeti ti Job 9:6

Lo yeke sara si gunda ti sese ayingi, agere ti sese ni ayeke do dongo.

Abia (Psaumes) 7:6

Tongana mbi sara aye tongaso, ayeke nzoni wato ti mbi atumba peko ti mbi, lo gbu mbi, lo bi mbi na sese, lo do ya ti mbi si lo sara mbi taa potopoto! Luti kete

Ésaïe 13:13

Ndani laa, fade yayu ayeke yingi si gere ti sese ayeke do na lege ti ngonzo ti KOTA GBIA so ayeke na ndö ti dunia kue, na lango so ngonzo ti lo ni ayeke londo tongana wâ.

Ésaïe 2:10

Ala gue, ahonde tere ti ala na popo ti atêne! Ala li na gbe ti sese ti kpe ngonzo ti KOTA GBIA, ti kpe gonda ti lo so ayeke kota ahon ndoni!

Ésaïe 2:21

Na ngoi so lo yeke londo ti zia mbeto na be ti azo ti sese so, ala yeke li na ya ti adu ti têne nga na popo ti atêne so ya ni asuru, ti kpe kota ngonzo ti KOTA GBIA nga na gonda ti lo so ayeke kota ahon ndoni.

Ésaïe 24:1

*KOTA GBIA ayeke buba sese kue, lo yeke buba aye ti ndö ni kue. Lo yeke sara titene aye ti ndö ti sese asanze, lo yeke kangbi azo ti ndö ti sese ni kirikiri.

Ésaïe 24:18

Zo so ayeke kpe dekongo so ayeke zia kota mbeto na be ti zo, lo yeke ti na ya ti kota du; zo so ayeke londo ya ti du ni ti sigigi, lo yeke ti na ya ti gbanda. Fenetere ti yayu azi kota, gere ti sese ayingi.

Ésaïe 24:19

Sese ayeke suru kirikiri, ayeke sungba si ayeke yingi ngangu.

Ésaïe 30:32

Pika oko oko so KOTA GBIA ayeke pika ala, a yeke pika ngo na kundi na gbe ni. Tongana lo yeke yingi maboko ti lo, lo yeke tiri bira na ala.

Ésaïe 33:10

*KOTA GBIA atene: “Fadeso mbi yeke londo, fadeso mbi yeke luti na nduzu, fadeso, mbi yeke sara titene azo aya iri ti mbi.

Ésaïe 7:19

Ala yeke ga si ala kue ayeke duti na popo ti ahoto so têne ayeke daa, na popo ti atêne so asuru, na popo ti akeke so agbu tere nga na ando so kue anyama ayeke te pere daa.

Jérémie 16:16

“So tënë ti yanga ti KOTA GBIA laa: Mbi yeke tokua gba ti azo ti gingo susu ti gbu azo ni tongana ti so zo ayeke gbu susu. Na pekoni, mbi yeke tokua gba ti azo ti gingo nyama ti gi azo ni na ndö ti akota hoto kue, na ndö ti akete hoto kue nga na ya ti adu ti têne tongana ti so zo ayeke gi nyama.

Jérémie 4:29

Azo ti agbata kue ama wuluwulu ti azo ti kpengo na mbarata; ala ma dekongo ti azo ti pikango kokora si ala kpe ahon; ala li na ya ti agbako, ala ma na li ti akota têne. Ya ti agbata ni kue angba senge, zo oko ayeke na ya ni mbeni pepe.

Jérémie 48:28

Ala, azo ti Moab, ala zia agbata, ala gue, asara kodro na popo ti atêne. Ala sara ye tongana *ambipa so asara da ti ala na mbeni mbage ti kota du kâ.

Ezekiel 33:27

“Mo tene na ala, mo tene: Tënë so Kota Gbia NZAPA atene ayeke so: ‘Fini ti mbi! Azo so angba na ya ti gbata so abuba awe so, fade ala yeke kui kuâ ti yongoro zeme; azo so ayeke na ya ti ngonda, mbi yeke mu ala na anyama ti ngonda titene ate ala; azo so ahonde tere ti ala na ndö ti ahoto nga na ya ti adu ti têne, sioni kobela ti bubango kodro ayeke fâ ala.

Osée 10:8

Ando so azo aleke na nduzu ti voro anzapa ti mvene daa so, fade a yeke buba ni kue; ando ni so laa ayeke siokpari ti azo ti Israel. Fade akamba ti ki na aki ayeke kanga ndö ti agbalaka ti ala. Fade azo ti Samarii ayeke tene na akota hoto: “Ala kanga ndö ti e!” Ala yeke tene na akete hoto: “Ala ti na ndö ti e!”

Mishe 7:17

Fade ala yeke su fuku ti sese tongana ngbo, tongana anyama so ayeke hara na sese. Na mbeto na be ti ala, ala yeke sigigi na ya ti angangu gbagba ti ala ti bira ti ga na mo KOTA GBIA, Nzapa ti e. Fade mbeto ayeke hon ndö ti ala mbeto ti mo ayeke sara ala.

Nahum 3:11

Ti mo Ninive nga, fade pasi ayeke hon ndö ti mo si mo yeke ga tongana zo so samba ahon ndö ti lo! Mo yeke honde tere ti mo ndali ti kamene ti mo. Mo nga, mo yeke gi ndo ti honde tere ti mo ndali ti awato ti mo.

Aggée 2:6

Biani, tënë so KOTA GBIA so ayeke na ndö ti dunia kue atene ayeke so: Gi na ya ti kete ngoi, angba mingi pepe, fade mbi yeke yingi nduzu na sese, kota ngu-ingo na kuru sese.

Aggée 2:7

Fade mbi yeke yingi amara kue si apendere ye ti ala ayeke ga ge gbani gbani. Fade mbi yeke sara titene gonda asi singo na ya ti kota da so; tënë so KOTA GBIA atene laa.

Nzoni Tënë so Luc asu na mbeti 23:30

Tongaso na ya ti alango ni so, fade azo ayeke tene na akota hoto: ‘Ala ti na ndö ti e!’ Ala yeke tene nga na akete hoto: ‘Ala honde e!’

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo

Ahebro 11:38

Ala yeke hon gi kirikiri na ya ti benyama, na ya ti ahoto, ala yeke lango na ya ti adu ti têne, na ya ti adu ti sese. Andaa ala yeke anzoni zo so dunia so alingbi na ala pepe.

Ahebro 12:26

Ando, go ti Nzapa ayingi sese kue; me fadeso, lo mu zendo so na e, lo tene: “Fade mbi yeke kiri ti yingi gi sese pepe, me mbi yeke yingi yayu nga.”

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 11:19

Kota da ti Nzapa so ayeke na yayu, yanga ni azi si zo alingbi ti baa sanduku ti *mbuki so ayeke na ya ti kota da ni. Tongaso, wâ ti bekpa aza, a ma go ti azo, bekpa asungba, sese ayingi si *apembe ti bekpa atuku ngangu.

Aye so Nzapa afa 16:18

Tongaso, wâ ti bekpa aza, ambeni go atoto ngangu, bekpa asungba si sese ayingi ngangu. Ti londo na ndembe so zo ayeke na ndö ti sese ngbii asi laso, sese ade ti yingi tongaso laoko pepe.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.

Aye so Nzapa afa 9:6

Na ndembe ni so, fade azo ayeke gi ti kui, me ala yeke kui pepe; nzara ti kuâ ayeke sara ala, me kuâ ayeke kpe ala ti hon yongoro.

1 Samuel 13:6

So azo ti Israel abaa so ala yeke na ya ti ye ti ngangu, ngbanga ti so azo ti Filistii aga nduru nduru na ala, ala kpe ahonde tere ti ala na ya ti adu ti têne, na ya ti adu, na gbe ti akota têne, na gbe ti sese nga na ya ti adu ti ngu.

1 Samuel 14:11

Tongaso, ala use kue ague si azo ti Filistii abaa ala. Azo ti Filistii atene: “Baa, ahebro so lani ahonde tere ti ala na ya ti adu so laa ayeke sigigi so.”