Ésaïe 2:18 - Mbeti ti Nzapa - Tënë so amu fini

¹⁸ Fade ayanda kue ayeke daa mbeni pepe.

Ésaïe 2:18 ပူးပေါင်းရင်းမြစ်များ

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 21:9

Ala baa, mbeni koli ayeke ga, lo duti na ndö ti pusu ti mbarata so ambarata use laa ayeke gboto ni. Lo kiri lo dekongo, lo tene: ‘Babilone ati awe! Babilone ati awe! Ayanda kue ti anzapa so ayeke na ya ti gbata ni ayeke lango na sese; ya ni afâ kete kete.’ ”

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 46:1

Bel akuku awe, Nebo ati awe. A zia ayanda ti ala na ndö ti anyama, na ndö ti abagara. Ando, ala yeke yo ayanda ni ti tambula na ni na ya ti amatanga; fadeso aga nengo kungba na ndö ti anyama so awoko awe.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 51:18

Ala yeke asenge senge ye, ala yeke aye so azo ayeke he na ngia. Na lango so KOTA GBIA ayeke ga na tere ti ala, ala kue ayeke hunzi.

Ezekiel 30:13

“Tënë so mbi Kota Gbia NZAPA, mbi tene ayeke so: Mbi yeke buba ayanda si mbi yeke zi abuba nzapa so ayeke na gbata ti Manfis. Mbeni makonzi ayeke kiri ti duti na Ezipte pepe; mbi yeke sara titene mbeto amu ya ti kodro ni kue.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 37:23

Ala yeke kiri ti ga *sioni pepe na lege ti vorongo afungo yanda, na lege ti sarango asioni ye so zo alingbi ti baa na le ti lo fani use pepe nga na lege ti asioni nde nde so ala sara. Mbi yeke zi ala na ando so kue ala duti daa si ala sara siokpari so; mbi yeke sara si ala ga *nzoni. Ala yeke duti azo ti mbi si mbi yeke duti Nzapa ti ala.

Ezekiel 6:6

Na ndo so kue ala yeke lango daa, fade agbata ayeke buba, ando so ala leke na nduzu ti voro anzapa ti ala daa, ayeke buba kue. Azo ayeke kungbi na sese agbalaka ti ala si ayeke ga senge ye, ya ti ayanda ti ala ayeke kungbi kete kete si mbeni ye oko ayeke ngba pepe. Azo ayeke fâ ya ti aye ti zongo na ayombo ti ala si ye so maboko ti ala asara, peko ni ayeke ngba pepe.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Mishe 1:7

Fade a yeke fâ ya ti ayanda ti gbata ni kue; aye so azo ti gbata ni awara, fade a yeke gbi ni kue na wâ, ngbanga ti so ala wara ni na lege ti sarango aye ti ndumba. Fade aye ni ayeke kiri ti hon na lege ti sarango aye ti ndumba.”

Mishe 5:13

Mbi yeke de na sese akeke so mo leke ni aluti na nduzu si mo yeke voro ni so; mbi yeke buba agbata ti mo kue.

Sofonii 1:3

Fade mbi yeke hunzi azo na anyama kue, andeke ti le ti nduzu na asusu ti kota ngu-ingo kue; mbi yeke hunzi asioni zo nga na aye so kue ayeke sara si ala yeke ti so. Mbi yeke hunzi azo kue kue kue na ndö ti sese.” So tënë ti yanga ti KOTA GBIA laa.

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.