Ésaïe 2:11 - Mbeti ti Nzapa - Tënë so amu fini

¹¹ Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:11 ပူးပေါင်းရင်းမြစ်များ

2 Samuel 22:28

Mo yeke soo azo so ayeke na ngangu pepe mo baa azo ti baba, mo yeke bi le ti mo na ngonda.

Abia (Psaumes) 18:27

Zo so ayeke na vuru be, mo yeke sara na lo na vuru be, me zo so ayeke na sioni be, mo yeke na kode ti sara sioni na lo.

Abia (Psaumes) 18:28

Mo laa mo yeke sara si azo so a baa ala tongana ambumbuse zo, ala so benda; mo yeke zia kamene na le ti azo so baba ti ala ahon ndoni.

Abia (Psaumes) 20:8

Ambeni zo azia be ti ala na ndö ti apusu ti mbarata, ambeni azia be ti ala na ndö ti ambarata. Ti e, e zia be ti e na ndö ti iri ti KOTA GBIA, Nzapa ti e, lo laa e yeke voro lo.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 94:2

Mo so mo yeke fâ ngbanga ti azo ti sese, londo si! Kiri na azo ti baba peko ti sioni alingbi na sioni so ala sara!

Amato 16:5

Be ti KOTA GBIA ake azo ti baba mingi. Biani, fade peko ni ayeke ngba senge na ala pepe.

Amato 30:13

“Ambeni zo ayeke daa so baba ahon ndö ti ala si ala yeke baa amba ti ala tongana ambumbuse ye.

Ésaïe 10:12

Tongana KOTA GBIA ahunzi ande akua ti lo kue na li ti hoto ti *Sion nga na Jérusalem awe, fade lo yeke ga na tere ti gbia ti Asirii ndali ti kuru baba ti lo nga ndali ti bango azo tongana mbumbuse ye.

Ésaïe 12:1

Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 12:4

Na lango ni so, ala yeke tene: “Ala mu singila na KOTA GBIA, ala mu iri lo ti lo na nduzu! Ala tene na azo kue tënë ti akota ye so lo sara, ala dabe ti azo kue na iri ti lo so ayeke kota.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 14:15

Me a zu na mo na ndo ti akuâ, ngbii asi na gbe ti du kâ.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 23:9

*KOTA GBIA so ayeke na ndö ti dunia kue laa aleke na be ti lo ti mingo baba ti azo so azo ayeke gonda ala, ti bi kamene na le ti akota zo ti dunia so.

Ésaïe 24:21

Na lango ni so, fade *KOTA GBIA ayeke ga na tere ti aye mingi mingi ti yayu; lo yeke ga na tere ti agbia ti sese.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 28:5

Na lango ni so, fade KOTA GBIA so ayeke na ndö ti dunia kue, lo wani, lo yeke ga tongana kpoto ti gbia so ayeke za zango, lo yeke ga tongana anzoni ye ti pendere ndali ti azo ti lo so angba na fini.

Ésaïe 29:18

Na lango ni so, azo so mê ti ala akanga, fade ala yeke ma atënë so a tene na ya ti mbeti; azo so le ti ala abuba ayeke sigigi na ya ti vukongo ndo so avuko pitipiti si ala yeke baa ndo.

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 30:23

Fade KOTA GBIA ayeke tokua ngu-Nzapa na ndö ti ale ti kobe so mo lu. Kobe so sese ayeke mu na mo ayeke duti gbani gbani si ayeke nzere mingi. Na lango ni so, anyama ti mo ayeke gue ti te pere na ndo so akono.

Ésaïe 37:23

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Ésaïe 4:1

Na lango ni so, fade awali mbarambara ayeke gbu koli oko si ala tene na lo, atene: “E wani, e yeke gi kobe ti yanga ti e; e wani, e yeke vo bongo ti yungo ti e. Me e hunda gi ye oko: mo zia iri ti mo na ndö ti e ti zi kamene na le ti e.”

Ésaïe 40:23

Lo sara si amakonzi ti dunia so aga ye oko pepe, lo sara si awafango-ngbanga ti sese so aga senge senge ye.

Ésaïe 52:6

Ndani laa, na lango ni so, azo ti mbi ayeke hinga iri ti mbi; ala yeke hinga atene, mbi laa mbi tene: Mbi laa mbi yeke ga so!”

Jérémie 12:9

Ye so ayeke ti mbi aga tongana mbeni ndeke so anzoroko ti tere ti lo ayeke gbani gbani – ndeke so asioni ndeke aga na tere ti lo mbage na mbage ti te lo? Ala gue, abongbi asioni nyama kue aga na ala na matanga ti tengo kobe!

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Ezekiel 38:14

“Ndani laa, mo, molenge ti zo, tene peko ti tënë ti yanga ti mbi na tere ti Gog, mo tene: Tënë so Kota Gbia NZAPA atene ayeke so: Na lango so azo ti mbi, azo ti Israel, ayeke duti na siriri, fade mo yeke hinga tënë ni.

Ezekiel 38:19

Na ya ti mbanda ti mbi nga na ya ti ngonzo ti mbi ti wâ, mbi deba yanga ti mbi, mbi tene: Na lango ni so, fade sese ayeke yingi ngangu na Israel.

Ezekiel 39:11

“Na lango ni so, fade mbi yeke mu na Gog mbeni ndo na Israel titene a lu kuâ ti lo daa. Ndo ni ayeke na popo-hoto ti Azo-ti-hongo-na-lege, na mbage ti To ti kota ngu ti Gba-ti-ingo. Ndo ni ayeke kanga lege na azo so ayeke hon na lege. A yeke lu kuâ ti Gog na ti gba ti azo ti lo kâ. A yeke di iri ti ndo ni ‘Popo-hoto ti Gba-ti-azo-ti-Gog’.

Ezekiel 39:22

Ti to ndani na lango ni so ti gue na ni, fade azo ti Israel ayeke hinga atene, mbi laa mbi yeke KOTA GBIA, Nzapa ti ala.”

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Osée 2:16

Tongaso, mbi yeke sara kue ti woko be ti lo, mbi yeke gue na lo na benyama si mbi yeke tene anzoni tënë na lo titene be ti lo ade.

Osée 2:18

“Na lango ni so, fade mo yeke iri mbi: ‘koli ti mbi’, – so tënë ti yanga ti *KOTA GBIA laa – mo yeke kiri ti iri mbi pepe: ‘baal ti mbi, wa ti mbi’.

Osée 2:21

Fade mo yeke duti wali so mbi mu mo titene mo ga wali ti mbi kpu na kpu. Ye so mbi yeke ka na peko ti mo ayeke ye ti mbirimbiri nga na ndia, yengo tere nga na nzoni be.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Abdias 1:8

So tënë ti yanga ti KOTA GBIA laa: Biani, na lango ni so, fade mbi yeke zi azo ti ndara na kodro ti Edom; mbi yeke zi hingango ndo na ndö ti hoto ti Ezau.

Mishe 2:3

Ndani laa, tënë so *KOTA GBIA atene ayeke so: “Baa, mbi yeke leke mbeni kota kpale ti tokua na ndö ti mara ti azo tongana ala so. Fade ala lingbi ti sigigi na ya ni pepe, ala lingbi ti tambula, li ti ala na nduzu pepe, ngbanga ti so ngoi ni ayeke duti ngoi ti kota kpale.”

Mishe 4:6

So tënë ti yanga ti *KOTA GBIA laa: “Na lango ni so, fade mbi yeke bongbi azo so gere ti ala abuba, mbi yeke bongbi ala so a gbu ala si ague na ala na kodro wande, ala so mbi sara ngangu na ala.

Mishe 5:10

Mbi yeke buba agbata ti kodro ti mo kue; mbi yeke kungbi agbagba ti bira ti mo kue.

Sofonii 3:11

“Na lango ni so, ala azo ti mbi, asioni ye so kue ala sara, aye so ala sara ti ke mbi, fade kamene ni ayeke kiri ti sara ala pepe. Biani, na lango ni so, azo ti kirikiri so baba ahon ndö ti ala, mbi yeke zi ala na popo ti ala, azo ti mbi. Tongaso si ala zia lege ti sarango kuru baba na ndö ti hoto ti mbi so ayeke nde si ayeke nzoni kue.

Sofonii 3:16

Na lango ni so, fade a yeke tene na gbata ti Jérusalem: “Sion, sara mbeto pepe, be ti mo awoko pepe!

Zakarii 9:16

Na lango ni so, fade KOTA GBIA Nzapa ti ala ayeke soo ala, tongana ti so wabatango-taba ayeke soo ataba ti lo. Azo ti lo ni ayeke tongana atêne ti gbe ti sese so azo amu ni si aleke na kpoto ti gbia, ala yeke za zango na ya ti kodro ti ala.

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

2 Korente 10:17

Mbeti ti Nzapa atene: “Zo so aye ti gonda tere ti lo, ayeke nzoni lo gonda tere ti lo ndali ti ye so Kota Gbia asara.”

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”