Ésaïe 19:4 - Mbeti ti Nzapa - Tënë so amu fini

⁴ Mbi yeke zia azo ti Ezipte na gbe ti komandema ti mbeni makonzi so aso mingi; mbeni gbia ti ngangu ayeke sara komandema na ndö ti ala.” So tënë ti yanga ti Kota Gbia NZAPA so ayeke na ndö ti dunia kue laa.

Ésaïe 19:4 ပူးပေါင်းရင်းမြစ်များ

Abia (Psaumes) 31:8

Mbi yeke dodo na ngia, tere ti mbi anzere ndali ti nzoni be ti mo. Biani mo baa mawa ti mbi, mo hinga ye ti ngangu so asi na mbi.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ésaïe 20:3

Na ngoi so a mu gbata ti Asdod, KOTA GBIA atene tënë na lege ti Ésaïe, atene: “Baa, ngu ota laa Ésaïe, zo ti kua ti mbi atambula tere ti lo senge, gere ti lo senge. Ye ni afa mbeni ye so ayeke si, ye ti gbotongo mê ndali ti Ezipte na Etiopii.

Ésaïe 20:4

Fade gbia ti Asirii ayeke gbu azo ti Ezipte ti gue na ala na kodro wande, lo yeke gbu azo ti Etiopii ti gue na ala na kodro ti lo: amaseka na ambakoro. Lo yeke gue na ala tere ti ala senge, gere ti ala senge, ngbonda ti ala senge. Fade ayeke duti ye ti kamene na azo ti Ezipte!

Jérémie 46:26

Mbi yeke zia ala na maboko ti azo so aye gi kuâ ti ala: Nabukodonosor, gbia ti Babilone, lo na aturugu ti lo. “Gbanda na pekoni, fade azo ayeke kiri ti lango na sese ti Ezipte tongana ti ando.” So tënë ti yanga ti KOTA GBIA laa.

Ezekiel 29:19

Ndani laa, tënë so mbi Kota Gbia NZAPA, mbi tene ayeke so: Mbi yeke zia Ezipte na maboko ti Nabukodonosor, gbia ti Babilone. Lo yeke nzi aye ti kodro ni kue, lo yeke ro aye so kodro ni agbu na peko ti bira ti hon na ni, lo yeke mu amosoro kue ti kodro ni si lo yeke kangbi ni na aturugu ti lo tongana futa ti ala.

Ezekiel 30:12

Mbi yeke sara titene angu ti Nil ahole, mbi yeke ka kodro ni na azo ti sioni. Na lege ti awande, mbi yeke buba kodro ni na amosoro ti lo kue. Mbi KOTA GBIA, mbi tene tënë awe.

Nahum 3:10

Me ti azo ti Tebes nga, a gbu ala, a gue na ala na kodro wande. A mu akete molenge ti gbata ni, a bi ala na ndö ti asangbi-lege si a nika ala nikango. A mu akota zo ni, a kanga ala na zingiri; a bi *dee ti kangbi amakonzi ni na popo ti azo so ahon ndö ti ala na bira.

1 Samuel 23:7

Azo ague, atene na Saul, atene, David asi na Keila awe. Nilaa Saul atene: “Nzapa azia lo na maboko ti mbi awe, ngbanga ti so lo li na ya ti gbata so gbagba ayeke na tere ni si a kanga yanga ni na angbongboro wen; lo kanga tere ti lo wani awe.”