Ésaïe 19:3 - Mbeti ti Nzapa - Tënë so amu fini

³ Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 19:3 ပူးပေါင်းရင်းမြစ်များ

2 Samuel 15:31

Azo ague, atene na David: “Ahitofel ayeke na popo ti azo so ala na Absalom aleke tënë na hondengo ni na tere ti gbia.” David atene: “*KOTA GBIA, mbi voro mo, sara si wango ti Ahitofel aga buba wango!”

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

2 Samuel 17:23

So Ahitofel abaa so azo ake ti ma wango ti lo, lo mu lele ti lo, lo ko na ndö ni si lo kiri na gbata ti lo. Lo leke tënë ti aye ti da ti lo, na pekoni, lo kanga kamba na go ti lo si lo kui. A lu lo na ya ti du ti kuâ ti babâ ti lo.

2 Agbia 1:2

Mbeni lâ, gbia Ahazia aduti na ya ti mbeni kubu ti nduzu ti yangbo ti lo so ayeke na gbata ti Samarii. Lo londo kâ, lo ti na sese na le ti fenetere si lo wara kota ka. Tongaso lo tokua azo, lo tene na ala: “Ala gue, ahunda Baal-Zebub, nzapa ti gbata ti Ekron ti hinga wala fade ka ti mbi ni ayeke mu?”

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

Abia (Psaumes) 107:27

Li ti ala aga kirikiri si ala yeke tambula tongana zo so samba ahon ndö ti lo, ala hinga ye so ala lingbi ti sara pepe.

Abia (Psaumes) 33:10

Aye so amara nde aye ti sara, KOTA GBIA akanga lege ni. Aye so azo aleke na be ti ala ti sarango ni, KOTA GBIA abuba lege ni.

Abia (Psaumes) 76:12

Ala azo, tongana ala mu zendo ti sara mbeni ye na *KOTA GBIA Nzapa ti ala, ayeke nzoni ala sara ye ni. Ala so kue angoro lo, ayeke nzoni ala ga na anzoni ye ti ala ti mu na Nzapa, lo so lo yeke zia kota mbeto na be ti azo so.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 14:27

Tongana KOTA GBIA so ayeke na ndö ti dunia kue amu yanga, zo wa laa alingbi ti buba ya ni, zo wa? Tongana lo yoro maboko ti lo ti pika zo, zo wa laa alingbi ti gbanzi lo, zo wa?

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Ésaïe 47:12

Tongaso, mo ngba ti sara yoro ti mo nga na aye ti mazi ti mo ma! Mo to nda ti sarango aye ni so ngbene ye so mo de maseka. E hinga pepe, mo lingbi ti wara ye na peko ni, e hinga pepe, mo lingbi ti zia mbeto na be ti azo!

Ésaïe 57:16

Biani, mbi yeke bi tënë na li ti azo lakue pepe, wala mbi yeke sara ngonzo lakue lakue pepe. Tongaso pepe, azo so kue mbi sara ala, ka ala yeke kui.

Ésaïe 8:19

Ambeni zo ayeke tene: “Ala gue, ahunda yingo ti akuâ nga na azo so ayeke fa ye so ayeke si kekereke, azo ni ayeke huru yanga ti ala si ala yeke tene tënë na gbe ti go ti ala. Mbeni mara alingbi ti gue ti baa anzapa ti lo pepe? Ala lingbi ti tene tënë na akuâ ndali ti azo so ade na fini pepe?” Tongana azo ni atene na ala amara ti tënë tongaso,

Jérémie 46:15

Nyen? Kota babâ ti bagara ti mo ati awe! Lo gbu le ni pepe, KOTA GBIA apusu lo awe.

Ezekiel 21:7

“Molenge ti zo, mo baa ndo na mbage ti Jérusalem, mo tene peko ti tënë ti yanga ti mbi na ndö ti ando so a zia nde ndali ti yango asandaga; mo tene tënë ti yanga ti mbi na ndö ti sese ti Israel.

Ezekiel 22:14

Na lango so mbi yeke londo ti ga na tere ti ala, fade ala yeke kanga be ti ala? Ala yeke gbu le ni? Mbi KOTA GBIA, mbi tene tënë awe; mbi yeke sara ye ni.

Daniel 1:20

Lakue gbia ayeke hunda na ala atënë so ahunda ndara na hingango ye. Nilaa lo baa amaseka-koli osio so ahinga ye fani baleoko ahon azo ti nganga na azo ti yoro so kue ayeke na ya ti kodro ti lo.

Daniel 2:2

Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

1 Samuel 25:37

Na ndaperere ni, tongana samba ahunzi na le ti Nabal awe, wali ti lo atene na lo peko ti ye so asi so. Be ti Nabal afun kue si tere ti lo akiri awoko kue.