Ésaïe 19:24 - Mbeti ti Nzapa - Tënë so amu fini

²⁴ Na lango ni so, Israel ayeke duti ota kodro na popo ti akodro ti Ezipte na ti Asirii so na lege ti ala, KOTA GBIA ayeke sara tufa na ndö ti dunia kue.

Ésaïe 19:24 ပူးပေါင်းရင်းမြစ်များ

Tongo nda ti aye 12:2

Mbi yeke sara titene mbeni kota mara abaa gigi na lege ti mo. Mbi yeke sara tufa na ndö ti mo si mbi yeke sara nga titene iri ti mo awu. Mo yeke ga zo so na lege ti lo, a yeke sara tufa na ndö ti azo.

Ésaïe 19:23

Na lango ni so, mbeni lege ayeke londo na Ezipte ti si na Asirii. Azo ti Asirii ayeke gue na Ezipte si azo ti Ezipte ayeke gue na Asirii. Ala kue ayeke bongbi ti voro KOTA GBIA.

Ésaïe 19:25

KOTA GBIA so ayeke na ndö ti dunia kue ayeke sara tufa ni, atene: “Mbi sara tufa na ndö ti Ezipte, azo ti mbi, na ndö ti Asirii so mbi sara na maboko ti mbi wani nga na ndö ti Israel, ye so aga ye ti mbi.”

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ésaïe 49:22

Tënë so Kota Gbia NZAPA atene ayeke so: “Baa, mbi yeke sara maboko na amara nde, mbi yeke yo bendere na nduzu na mbage ti azo. Azo ni ayeke yo amolenge ti mo ti koli na ya ti maboko ti ala ti ga na ala, ala yeke yo amolenge ti mo ti wali na ndö ti go ti ala ti ga na ala.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 6:13

Tongana zo oko na popo ti azo baleoko angba na ya ti kodro ni, fade a yeke gbi lo na wâ tongana keke ti shene wala ti terebente so a de na sese. Me nduru gere ni na agunda ni angba si ayeke tongana ngoangoa so ayeke nde si ayeke nzoni kue.”

Ésaïe 65:22

Ala yeke kiri ti sara ada pepe titene ambeni zo nde alango daa. Ala yeke kiri ti lu vinye pepe titene ambeni zo nde ate alengo ni. Biani, azo ti mbi ayeke te gigi, ala yeke ga mbakoro tongana akeke. Azo ti mbi so mbi soro ala ayeke wara ye ti peko ti kua so ala sara.

Ésaïe 65:8

Tënë so KOTA GBIA atene ayeke so: Tongana azo awara gba ti ale ti *vinye so abe, ala yeke tene: “E buba ni pepe, ngbanga ti so tufa ayeke na ya ni”. Mbi yeke sara ande gi tongaso ndali ti azo ti kua ti mbi; fade mbi yeke buba ye kue pepe.

Ésaïe 66:12

Biani, tënë so KOTA GBIA atene ayeke so: “Baa, mbi yeke sara titene siriri aga ngbii asi na Jérusalem tongana *bale, mosoro ti amara nde aga na lo tongana ngu so asuku amu ndo kue. Fade mbi yeke bata ala tongana mama so ayeke mu me na molenge ti lo. Lo yo molenge ni na kate ti lo, lo yo lo na ndö ti gere ti lo si lo yeke sara ngia na lo.

Ezekiel 34:26

Mbi yeke sara tufa na ndö ti ala nga na ndö ti ando nde nde so ayeke na tere ti hoto ti mbi. Mbi yeke sara titene ngu-Nzapa apika na ngoi ni, ngu-Nzapa so ayeke sara nzoni na zo.

Zakarii 8:13

Ala, akodro-gbia ti Juda na ti Israel, na popo ti amara kue, ala yeke lani tapande ti mbeni mara so a deba lo. Me fadeso, mbi soo ala, ala yeke ga tapande ti mbeni mara so a sara tufa na ndö ti lo. Ala sara mbeto pepe, ala gbu ngangu!”

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”

Rome 15:27

Ala wani aleke na be ti ala ti sara ye ni, ye so alingbi titene ala sara ni fade laa. So azo ti amara nde awara nzoni ye ti Nzapa na lege ti azuife, ayeke nzoni titene azo ti amara nde amu nga mbage ti ye so ala yeke na ni na azuife so ayeke na ya ti mawa.

Galasii 3:14

Christ asara tongaso titene anzoni ye so Nzapa amu zendo ni na Abraham so, azo ti amara nde nga awara ni na lege ti Christ. Tongaso na lege ti mabe, e wara Yingo so Nzapa amu zendo ni.

Ndia ti fani use ni 32:43

Moïse atene: “Ala amara, ala dekongo na ngia na li ti azo ti KOTA GBIA! Biani, lo ga nduru ti kiri na peko ti mene ti azo ti kua ti lo awe; sioni so awato ti lo asara na azo ti lo, lo yeke kiri peko ti sioni ni na ala; me lo yeke *sukula sese ti azo ti lo.”