Ésaïe 19:22 - Mbeti ti Nzapa - Tënë so amu fini

²² Tongaso, KOTA GBIA ayeke pika azo ti Ezipte. Lo yeke pika ala, me lo yeke kai kobela ti ala: fade ala yeke kiri na KOTA GBIA, lo yeke ma ala si lo yeke kai kobela ti ala.

Ésaïe 19:22 ပူးပေါင်းရင်းမြစ်များ

2 Agbia 20:5

“Kiri, mo tene na Ezekias, makonzi ti azo ti mbi, mo tene: Tënë so KOTA GBIA, Nzapa ti David, kotara ti mo atene ayeke so: ‘Mbi ma sambela ti mo awe, mbi baa ngu ti le ti mo awe. Baa, mbi yeke kai kobela ti mo. Na peko ti lango ota, mo yeke kiri ti gue na ya ti kota da ti KOTA GBIA.

Mbeti ti Job 22:23

Tongana mo kiri na mbage ti lo so ngangu ti lo ahon angangu kue, fade lo yeke zia mo na ndo ti mo. Me ye ti sioni, mo zia yongoro na da ti mo.

Mbeti ti Job 5:18

Nzapa ayeke zia ka na tere ti zo, lo laa lo yeke kanga ka ni; lo yeke pika zo, lo laa lo yeke sara si tere ti zo aga nzoni.

Sigingo 8:4

Faraon airi Moïse na Aaron si lo tene na ala: “Ala sambela KOTA GBIA titene lo zi akongba so na tere ti mbi nga na tere ti azo ti kodro ti mbi. Fade mbi yeke zia lege na azo ti Israel titene ala gue, aya *sandaga na KOTA GBIA.”

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Ésaïe 57:18

Mbi baa lege ti sarango ye ti lo awe, me mbi yeke kai kobela ti lo. Mbi yeke fa lege na lo, mbi yeke sara titene be ti lo ade. Ti azo so ayeke sara mua ti lo,

Ésaïe 6:10

Mo sara si be ti azo ni akpengba, mo sara si mê ti ala na le ti ala akanga; mo sara si ala baa ndo pepe, ala ma ndo pepe. Tongaso si tënë ali be ti ala pepe, ala zia ngbene lege ti sarango ye ti ala pepe, ala kiri na mbi pepe si kobela ti ala akai pepe.”

Ezekiel 29:13

“Biani, tënë so mbi Kota Gbia NZAPA, mbi tene ayeke so: Na peko ti ngu baleosio ni, mbi yeke mu azo ti Ezipte na popo ti amara so a kangbi ala lani daa ti bongbi ala na ndo oko.

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 6:2

Na peko ti lango use, fade lo yeke kiri fini na e; na lango ota ni, fade lo yeke yo e na nduzu si e yeke duti na fini na dawa ti lo.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Ahebro 12:11

Tongana a pika zo ti kiri na lo na nzoni lege, be ti lo ayeke nzere na ndembe ni pepe; na le ti zo ni ye ni akpa ye ti vundu. Me mbeni lâ, tongana li ti lo aga daa awe, lo yeke wara aye ti peko ni: siriri na sarango ye ti mbirimbiri.