Ésaïe 19:19 - Mbeti ti Nzapa - Tënë so amu fini

¹⁹ Na lango ni so, fade gbalaka ti KOTA GBIA ayeke duti taa na be ti kodro ti Ezipte, mbeni ngbongboro têne so azo aleke si aluti na nduzu ndali ti KOTA GBIA ayeke duti na katikati ti kodro ni.

Ésaïe 19:19 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 28:18

Na ndaperere so ndo angba kâ, Jacob alondo, lo mu têne so lo zia na gbe ti li ti lo so; lo leke ni, aluti na nduzu si lo tuku mafuta na li ni.

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Ésaïe 60:7

Angasa na ataba ti Kedar ayeke bongbi na ndo ti mo. Akoli-taba ti Nebayot ayeke ga ye ti kua ti mo. A yeke zia ala na ndö ti gbalaka ti KOTA GBIA, *sandaga tongaso laa ayeke nzere na lo. Sandaga ni ayeke mu nengo na kota da ti lo.

Ésaïe 66:23

Tongaso, na matanga ti fini nze oko oko, na *lango ti wungo tere oko oko, fade azo kue ayeke ga ti kuku ti kpo li ti ala na dawa ti mbi; tënë so mbi KOTA GBIA, mbi tene laa.

Jérémie 46:2

Tënë ndali ti Ezipte na aturugu ti Faraon Neko, gbia ti Ezipte. Na ngoi ni so, Faraon Neko ayeke na yanga ti *bale ti Efrate, na gbata ti Karkemish. Na ngu osio ni so Yoakim, molenge ti Yosias ayeke gbia ti Juda, Nabukodonosor, gbia ti Babilone aga si akinda lo na ya ti bira.

Ezekiel 29:1

Na lango baleoko na use ti nze baleoko ti ngu baleoko ni, tënë ti *KOTA GBIA asi na mbi, atene:

Ezekiel 30:1

Tënë ti *KOTA GBIA asi na mbi, atene:

Ezekiel 31:1

Na kozo lango ti ota nze ni, na ngu baleoko na oko ni, tënë ti *KOTA GBIA asi na mbi, atene:

Ezekiel 32:1

Na kozo lango ti nze baleoko na use ni, na ngu baleoko na use ni, tënë ti *KOTA GBIA asi na mbi, atene:

Zakarii 6:15

Azo so ayeke na yongoro ndo ayeke ga ande ti kiri ti leke kota da ti KOTA GBIA. Tongaso, fade ala yeke hinga atene, KOTA GBIA so ayeke na ndö ti dunia kue laa atokua mbi na ala. Ye ni ayeke si ande tongana ala ma yanga ti KOTA GBIA, Nzapa ti ala biani.

Ahebro 13:10

E yeke na mbeni gbalaka so awayango-sandaga ti azuife alingbi ti te kobe ti sandaga na ndö ni pepe, ala so ayeke sara kua na ya ti da so azuife ayeke voro Nzapa daa.

Josué 22:10

So ala si na tere ti ngu ti Jourdain, na mbage ti sese ti Kanaan, ala sara mbeni gbalaka so ayeke kota mingi na tere ti ngu ni.

Josué 22:26

Ndani laa e tene na be ti e, e tene: alingbi e sara gbalaka so, me e sara ni ndali ti sandaga ti anyama so a yeke gbi ni kue na wâ pepe wala ndali ti ambeni sandaga nde pepe.

Josué 22:27

E ye ti sara gbalaka ni titene aduti mbeni ye na popo ti e na ala nga na popo ti amolenge so a yeke du ala na peko. Fade gbalaka ni ayeke fa atene, e nga, e lingbi ti voro KOTA GBIA na lege ti sandaga ti anyama so ayeke gbi ni kue na wâ, asandaga ti beoko na ambeni sandaga nde. Tongaso si gbanda ahale ti ala awara lege pepe ti tene na ahale ti e, atene: ‘Mbeni ye ti ala oko ayeke na maboko ti KOTA GBIA pepe.’

Josué 22:28

E tene na be ti e, e tene: gbanda, tongana azo atene tënë so na e nga na ahale ti e, fade e yeke tene na ala: ‘Ala baa, akotara ti e asara gbalaka so gi na oko kode ti gbalaka ti KOTA GBIA. Ala sara ni ndali ti sandaga ti anyama so a yeke gbi ni kue na wâ pepe, wala ndali ti ambeni sandaga nde pepe; me ala sara ni titene aduti mbeni ye na popo ti e na ala.’

Josué 22:34

Azo ti mara ti Ruben na ti Gad adi iri ti gbalaka ni: “Gbalaka so ayeke duti mbeni ye na popo ti e” ti fa atene, KOTA GBIA ayeke Nzapa.