Ésaïe 19:18 - Mbeti ti Nzapa - Tënë so amu fini

¹⁸ Na lango ni so, fade agbata ayeke duti oku na Ezipte so azo ayeke tene yanga ti hebro daa, so azo adeba yanga ti ala kâ ti ga azo ti KOTA GBIA so ayeke na ndö ti dunia kue. Oko ti agbata ni, iri ni ayeke duti Gbata-ti-lâ.

Ésaïe 19:18 ပူးပေါင်းရင်းမြစ်များ

Tongo nda ti aye 11:1

Azo ti ndö ti sese kue ayeke tene gi yanga ti kodro oko; atënë ti yanga ti ala kue ague gi oko.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Ésaïe 11:11

Na lango ni so, *KOTA GBIA ayeke yoro maboko ti lo ti fani use ti zi tanga ti azo ti lo ti kiri na ala na kodro ti ala: azo ti lo so angba na fini na sese ti Asirii, ti Ezipte, ti Patros, ti Kush, ti Elam, ti Shinear nga na ti Hamat na ala so ayeke na ya ti azoa so ayeke na le ti kota ngu-ingo.

Ésaïe 14:1

Biani, fade *KOTA GBIA ayeke baa mawa ti Jacob; lo yeke kiri ti soro Israel. Lo yeke zia azo ti Israel ti duti na kodro ti ala wani. Awande ayeke bongbi oko na ala si ala kue ayeke ga azo ti Jacob.

Ésaïe 19:19

Na lango ni so, fade gbalaka ti KOTA GBIA ayeke duti taa na be ti kodro ti Ezipte, mbeni ngbongboro têne so azo aleke si aluti na nduzu ndali ti KOTA GBIA ayeke duti na katikati ti kodro ni.

Ésaïe 19:21

KOTA GBIA ayeke sara si azo ti Ezipte ahinga lo; na lango ni so, ala yeke hinga lo si ala yeke sara na lo na mungo na lo asandaga nga na anzoni ye. Ala yeke mu zendo na KOTA GBIA si ala yeke sara ye ti peko ti zendo ni.

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 27:13

Na lango ni so, mbeni kota didi ayeke toto. Tongaso azo so agirisa ando na sese ti Asirii, na azo so akangbi na sese ti Ezipte, ala kue ayeke kiri. Ala yeke ga ti kuku na gbe ti KOTA GBIA na Jérusalem, na li ti hoto so ayeke nde si ayeke nzoni kue.

Ésaïe 65:16

Na ya ti kodro, zo so aye ti sara tufa na ndö ti mbeni zo, lo yeke sara ni na iri ti Nzapa so ayeke bata tënë ti yanga ti lo. Zo so aye ti deba yanga ti lo, lo yeke deba yanga ti lo ni na iri ti Nzapa so ayeke bata tënë ti yanga ti lo.” *KOTA GBIA atene: “Aye ti vundu so ahon awe, fade azo ayeke girisa ni; aye ti vundu ni ayeke hon yongoro na le ti mbi.

Jérémie 12:16

Tongana azo ni amanda lege ti dutingo ni tongana ti azo ti mbi, tongana azo ni adeba na iri ti mbi, atene: ‘KOTA GBIA ayeke na fini!’, tongana ti so a fa na ala ti deba na iri ti *Baal, fade azo ni ayeke wara ndo ti duti daa na popo ti azo ti mbi.

Sofonii 3:9

“Tongaso, fade mbi yeke ndu poro ti yanga ti amara titene aga *nzoni si ala kue alingbi ti di iri ti mbi *KOTA GBIA, ala kue ayeke sara kua ti mbi na be oko.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Ndia ti fani use ni 10:20

Alingbi ala kpe mbeto ti KOTA GBIA Nzapa ti ala, ala voro lo, ala ngba gi na tere ti lo, ala deba yanga ti ala gi na iri ti lo.