Ésaïe 19:14 - Mbeti ti Nzapa - Tënë so amu fini

¹⁴ KOTA GBIA azia na ya ti Ezipte yingo ti turnengo li ti zo. Biani, amakonzi ni ayeke hon na Ezipte kirikiri na ya ti aye so kue kodro ni ayeke sara. Ezipte ayeke tongana zo so samba ahon ndö ti lo si lo yeke hon kirikiri na ya ti ye so lo de awe.

Ésaïe 19:14 ပူးပေါင်းရင်းမြစ်များ

2 Mbai 18:22

Mishe akiri atene: “Fadeso, ye ni asi awe. KOTA GBIA azia yingo ti mvene na yanga ti awayanga-nzapa ti mo kue, so ti fa atene, lo wani, lo leke na be ti lo ti tokua mbeni kpale na ndö ti mo.”

Mbeti ti Job 12:16

Ngangu na ndara ayeke ti lo. Zo so agirisa lege, na zo so asara si mba ti lo agirisa lege, ala kue ayeke ti Nzapa.

Mbeti ti Job 12:25

Amakonzi ni atatara ndo na bi, na ya ti vukongo ndo. Ala tambula kirikiri tongana azo so samba ahon ndö ti ala.

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 3:12

KOTA GBIA atene: “Azo ti mbi, azo so ayeke sara ngangu na ala ayeke gi amolenge, awali laa ayeke sara komandema na ndö ti ala. Azo ti mbi, azo so ayeke fa lege na ala asara si ala girisa lege, ala yeke fa na ala sioni lege.”

Ésaïe 9:16

Ndani laa KOTA GBIA ayeke baa mawa ti amaseka ti azo ni so pepe; anyindu ti ala nga na awali-mua ti ala, lo yeke baa mawa ti ala pepe. Biani, ala kue ake Nzapa, ala yeke azo ti sarango sioni; atënë ti yanga ti ala kue gi buba tënë. Ataa so kue, ngonzo ti KOTA GBIA akai pepe, maboko ti lo angba gi na nduzu.

Jérémie 25:27

KOTA GBIA ahunda na mbi ti tene na azo ni, atene: “Tënë so KOTA GBIA so ayeke na ndö ti dunia kue, Nzapa ti Israel, atene ayeke so: Ala nyon, ala nyon ahon ndö ti ala, ala de! Ala ti, ala ngba na sese na bango yongoro zeme so mbi yeke tokua na popo ti ala.”

Jérémie 48:26

Moab abaa tere ti lo kota ahon KOTA GBIA. Ayeke nzoni a mu na lo samba, lo nyon ngbii lo de samba ni na sese. Tongaso si lo nga lo ga ye so azo ayeke he ni na ngia.

Matthieu 17:17

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ala ga na mbi molenge ni ge!”

2 Tesalonike 2:11

Ndani laa Nzapa ayeke tokua na ala mbeni ngangu ye ti sara si ala girisa lege si ala zia be ti ala na ndö ti tënë ti mvene.

Awafango-ngbanga 9:23

Na pekoni, Nzapa atokua mbeni yingo ti kangbi na popo ti Abimelek na akota zo ti gbata ti Sishem. Nilaa akota zo ni alondo ti ke lo.