Ésaïe 19:11 - Mbeti ti Nzapa - Tënë so amu fini

¹¹ Amakonzi ti gbata ti Soan ayeke azo ti buba mingi, azo ti ndara so ayeke mu wango na Faraon, ala yeke bongbi ti azo so li ti ala ayeke daa pepe. Asara tongana nyen laa ala tene na Faraon: “Mbi yeke molenge ti azo ti ndara, molenge ti agbia ti giriri”?

Ésaïe 19:11 ပူးပေါင်းရင်းမြစ်များ

1 Agbia 5:10

Ndara ti Salomon ahon ndara ti azo ti sese ti Arabii na ti azo ti Ezipte.

Mbeti ti Job 12:17

Lo yeke sara si azo ti mungo wango ti kodro atambula gere senge; lo yeke bi tomboka na li ti awafango-ngbanga.

Abia (Psaumes) 33:10

Aye so amara nde aye ti sara, KOTA GBIA akanga lege ni. Aye so azo aleke na be ti ala ti sarango ni, KOTA GBIA abuba lege ni.

Abia (Psaumes) 73:22

mbi ga buba, mbi hinga nda ti ye ni oko pepe, mbi yeke tongana mbeni nyama na le ti mo.

Abia (Psaumes) 78:12

Na Ezipte, na sese ti Soan, na le ti akotara ti ala, Nzapa asara ye ti kpene:

Abia (Psaumes) 78:43

Ala girisa aye ti dongo be so lo sara na sese ti Ezipte, ala girisa aye ti kpene so lo sara na sese ti Soan:

Abia (Psaumes) 92:6

KOTA GBIA, aye so mo sara ayeke kota mingi! Atënë ti be ti mo ali mingi!

Sigingo 8:14

Azo ti mazi ti Ezipte aye nga ti sara angungu na lege ti mazi ti ala, me ala ha gbaa. Angungu ni angba na ndö ti azo nga na anyama.

Sigingo 8:4

Faraon airi Moïse na Aaron si lo tene na ala: “Ala sambela KOTA GBIA titene lo zi akongba so na tere ti mbi nga na tere ti azo ti kodro ti mbi. Fade mbi yeke zia lege na azo ti Israel titene ala gue, aya *sandaga na KOTA GBIA.”

Amato 30:2

“Biani, buba ti mbi ahon ti azo kue, hingango ndo so zo ayeke na ni, mbi yeke na ni pepe.

Ésaïe 19:13

Amakonzi ti Soan aga azo ti buba awe, amakonzi ti Manfis ahanda tere ti ala. Amakonzi ti akete mara laa ayeke gue na Ezipte na sioni lege.

Ésaïe 19:3

Fade be ti azo ti Ezipte ayeke woko, mbi yeke buba ya ti apialo ti ala. Tongaso, ala yeke gue ti hunda ayanda, ayingo ti akuâ na azo so ayeke baa nda ti aye.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 30:4

Amakonzi ti ala asi na Soan awe, alembe ti ala asi na Hanes awe.

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Jérémie 10:14

Azo kue ayeke azo so li ti ala ayeke daa pepe, ala hinga ndo pepe; awakode-kua kue ti lôro, kamene agbu le ti ala ndali ti ayanda ti ala, ayanda ti ala ni ayeke ye ti mvene, pupu ayeke na ya ti ala pepe.

Jérémie 10:21

Ndali ti azo ti li ni laa ye so asi: ala yeke azo so li ti ala ayeke daa pepe, ala gi lege ti KOTA GBIA pepe. Ndani laa, kua ti ala ali ngu si azo so lani ayeke na gbe ti ala, ala kue akangbi kirikiri.

Jérémie 46:17

Ti Faraon, gbia ti Ezipte, a zia iri ti ngia na ndö ti lo, atene: ‘Gba ti sokporo, me lo zia ngoi ahon senge senge!’

Jérémie 49:7

Tënë na ndö ti Edom. Tënë so KOTA GBIA so ayeke na ndö ti dunia kue atene ayeke so: “Azo ti ndara ayeke na Teman mbeni pepe? Li ti azo ti hingango ndo ayeke daa mbeni pepe? Ndara ti ala afun awe?

Jérémie 8:9

So ye ti kamene ti nyen na azo ti ndara! Li ti ala aga kirikiri awe; ala ti na ya ti gbanda ti ala wani. So ala baa tënë ti KOTA GBIA tongana buba ye na le ti ala so, ndara ti nyen laa ala yeke na ni?

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Ezekiel 30:14

Mbi yeke buba Patros, mbi yeke bi wâ na gbata ti Soan, mbi yeke fâ ngbanga na li ti gbata ti No.

Ezekiel 7:26

Akpale ayeke si na peko ti tere, na peko ti tere, sioni sango ayeke ga na ndö ti tere, na ndö ti tere. Azo ayeke hunda na wayanga-nzapa ti tene na ala peko ti ye so lo baa na ya ti mbeni ye tongana bango-li; wayango-sandaga ayeke na ye oko pepe ti fa na azo, *akangba ayeke kiri ti mu wango pepe.

Abdias 1:7

Azo so kue mo na ala aga *ambuki so, ala tumba mo na ya ti kodro ti mo. Azo so mo na ala aye tere mingi so, ala handa mo si ala hon ndö ti mo. Azo so ayeke te lani kobe ti mo so, ala zia kuku na lege ti mo ti gbu na mo. Azo ni ayeke tene: “Lo hinga ndo pepe!”

Abdias 1:8

So tënë ti yanga ti KOTA GBIA laa: Biani, na lango ni so, fade mbi yeke zi azo ti ndara na kodro ti Edom; mbi yeke zi hingango ndo na ndö ti hoto ti Ezau.

Wungo ti azo 13:22

Ala mu lege so ahon na mbage ti Mbongo si ala gue ngbii asi na Hebron, ndo so azo ti kete mara ti Ahiman, ti Sheshai na ti Talmai ayeke lango daa. Ala kue ayeke *ahale ti Anak. A sara gbata ti Hebron ngu mbarambara kozoni si a sara gbata ti Soan so ayeke na Ezipte.

Awatokua 7:22

Moïse amanda akode kue ti azo ti Ezipte. Lege ti tenengo tënë ti lo na sarango aye ti lo ayeke fa so lo yeke kpengba zo.