Ésaïe 18:7 - Mbeti ti Nzapa - Tënë so amu fini

⁷ Na ngoi ni so, fade azo ayeke ga na anzoni ye na KOTA GBIA so ayeke na ndö ti dunia kue; azo ni ayo mingi, poro ti tere ti ala ayeke za zango, ala yeke zia mbeto na be ti azo na ndo so ngbii asi na ndo kue, ala yeke nika awato ti ala, abale ahon na ya ti kodro ti ala. Fade a yeke ga na anzoni ye na li ti hoto ti *Sion, ndo so KOTA GBIA so ayeke na ndö ti dunia kue ayeke duti daa.

Ésaïe 18:7 ပူးပေါင်းရင်းမြစ်များ

2 Mbai 32:23

Azo mingi aga na Jérusalem ti mu aye na KOTA GBIA, ala ga nga na apendere kadoo na Ezekias, gbia ti Juda. Na peko ti aye so asi so, amara kue ane Ezekias mingi.

Abia (Psaumes) 68:32

Akota zo alondo na Ezipte ti ga, azo ti Etiopii amu loro ti ga, ala yoro maboko ti ala na mbage ti Nzapa.

Ésaïe 16:1

Amakonzi ti Moab atene: “Kâ na gbata ti Kota-têne-ti-benyama, ala tokua koli-taba na kota zo ti kodro ni, na gbia ti Juda, na hoto ti *Sion.”

Ésaïe 18:2

Mo so mo yeke tokua alembe ti tambula na le ti kota ngu ti Nil si ala yeke tambula na ya ti ango so a sara na sosongo! Ala alembe so ayeke gue tokua hio hio so, ala kiri na mbage ti azo ti mara so ayo mingi si poro ti tere ti ala ayeke za zango so, azo so ayeke zia mbeto na be ti azo na ndo so ngbii asi na ndo kue, mara so ayeke na ngangu si ayeke nika awato ti ala so. Ala kiri na kodro ti ala so abale ahon na ya ni so.

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Ésaïe 45:14

Tënë so *KOTA GBIA atene ayeke so: “Israel, lengo ti kua ti azo ti Ezipte, ye ti ngere ti azo ti Etiopii, azo ti Seba, ayongoro zo so, ala so kue ayeke hon na ndo ti mo, ala yeke ga ti mo. Fade a yeke kanga ala kangango na zingiri si ala yeke tambula na peko ti mo; ala yeke kuku na gbe ti mo si ala yeke tene tënë so na mo tongana sambela: ‘Nzapa ayeke gi na ndo ti mo oko, mbeni nzapa nde ayeke daa pepe, gi lo oko.’ ”

Mishe 4:13

“Ala azo ti Jérusalem, ala londo, ala gue, apika ale ti kobe ni! Fade mbi yeke sara titene ala ga ngangu tongana bagara so adidi ti lo ayeke na wen si asokoto ti gere ti lo ayeke na bengba wen. Fade ala yeke nika amara gbani gbani; aye so ala gbu na peko ti bira, ala zia ni nde ndali ti mbi, KOTA GBIA; amosoro ti azo ni, ala zia ni nde ndali ti mbi, Kota Gbia ti sese kue.”

Habakuk 1:7

Ala yeke asioni zo, ala yeke zia mbeto na be ti azo. Ala wani ayeke sara ndia ti li ti ala, ala yeke sara si iri ti ala awu.

Sofonii 3:10

Ataa azo so ayeke voro mbi, ala so akangbi yongoro kâ na peko ti *bale ti Etiopii, fade ala yeke ga na mbi *sandaga ti ala.”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.