Ésaïe 18:6 - Mbeti ti Nzapa - Tënë so amu fini

⁶ Fade a yeke do aye so kue ti zia na *angoalo ti li ti hoto nga na asioni nyama ti ngonda. Angoalo ni ayeke gue ti duti kâ na ngoi ti ndo-wâ; asioni nyama ni ayeke gue ti duti kâ na ngoi ti de.

Ésaïe 18:6 ပူးပေါင်းရင်းမြစ်များ

Ésaïe 14:19

Me ti mo, a bi mo na gigi yongoro na du ti kuâ ti mo tongana molenge so a du lo na kuâ ni si azo abaa lo tongana fungo ye. Mo yeke tongana kuâ so azo ado na gbe ti gere ti ala; mo yeke na popo ti azo so a fâ ala, azo so a kpo ala na yongoro zeme si a bi ala na ndö ti têne so ayeke na ngbonda ti du kâ.

Ésaïe 23:13

Ala baa kodro ti azo ti Babilone: azo ni ayeke daa mbeni pepe. Asirii asara si kodro ni aga ndo ti anyama ti ngonda. Azo ti Asirii aleke ada so ayo na nduzu ti tiri bira na kodro ni, ala kungbi ayangbo ti kodro ni, ala sara si kodro ni aga ndo ti gba ti atêne.

Ésaïe 46:11

Na mbage ti To, mbi iri mbeni ndeke so ayeke te anyama. Yongoro na nda ti sese kâ, mbi iri mbeni zo, lo laa lo yeke sara si apialo ti mbi asi alingbi na ni. Tënë so mbi tene, ye ni ayeke si! Pialo so mbi leke, mbi yeke sara ni!

Ésaïe 56:9

Ala anyama kue ti ngonda, ala anyama kue ti gbako, ala ga ate ye!

Jérémie 15:3

“So tënë ti yanga ti KOTA GBIA laa: Fade mbi yeke tokua asioni ye osio na ndö ti azo ni: yongoro zeme ti fâ ala kue, ambo ti gboto ala ti hon na ala, andeke ti nduzu na anyama ti sese ti suru ya ti ala, ti te ala kue.

Jérémie 16:4

Fade ngangu kobela ayeke fâ ala; zo ayeke toto kuâ ti ala pepe, zo ayeke lu nga kuâ ti ala pepe. Me ala yeke ga tongana puru na ndö ti sese. Fade bira na nzara ayeke fâ ala si kuâ ti ala ayeke ga kobe ti andeke ti nduzu na ti anyama ti sese.”

Jérémie 7:33

Fade kuâ ti azo ni ayeke ga kobe ti andeke ti nduzu na ti anyama ti sese; zo ti ga ti tumba ala na tere ti kuâ ni ayeke daa pepe.

Ezekiel 31:13

Andeke kue ti nduzu ayeke duti na ndö ti fango gere ti lo; anyama kue ti ngonda ayeke lango na popo ti amaboko ti lo.