Ésaïe 17:8 - Mbeti ti Nzapa - Tënë so amu fini

⁸ Ala yeke kiri ti baa ndo pepe na mbage ti agbalaka so maboko ti ala wani asara. Akeke so ala leke aluti na nduzu si ala yeke voro ni, wala ata ti wen so ala zia nde titene ala zö dukani na ya ni, ala yeke kiri ti baa ndo daa pepe.

Ésaïe 17:8 ပူးပေါင်းရင်းမြစ်များ

2 Samuel 22:42

Ala yeke dekongo, me zo oko ti mu maboko na ala ayeke daa pepe; ala yeke dekongo na KOTA GBIA, me lo kiri tënë na ala pepe.

2 Mbai 14:5

Kodro ni aduti kpoo si azo aga ti tiri bira na lo na ya ti angu ni so pepe, ngbanga ti so KOTA GBIA wani amu na lo siriri. Tongaso lo wara lege ti sara angangu gbagba na tere ti agbata ti Juda.

2 Mbai 31:1

So matanga ni ahunzi awe, azo ti Israel so kue ayeke kâ ague na ya ti agbata ti Juda, ala fâ ya ti angbongboro têne so a leke si aluti na nduzu, ala kungbi na sese akeke so a leke si aluti na nduzu ndali ti nzapa-wali *Ashera, ala buba ando so azo aleke na ndö ti ahoto ti voro anzapa nde daa, ala buba nga agbalaka ti ando ni. Ala sara gi oko ye so na sese ti Juda kue, ti Benjamin, ti Efraim na ti Manase. Na pekoni, azo ti Israel kue akiri na ya ti agbata ti ala, zo oko oko na ndo ti lo.

2 Mbai 34:4

Na dawa ti lo, a kungbi na sese agbalaka ti anzapa *Baal; a kungbi na sese aye ti zongo na yombo so ayeke na ndö ti agbalaka ni; a fâ ya ti akeke so a leke aluti na nduzu ndali ti nzapa-wali Ashera nga na ayanda so a leke na keke na ayanda so a kporo wen si a leke na ni. A nika aye ni aga fuku si a tuku ni na ndö ti adu ti kuâ ti azo so amu *sandaga na ayanda ni.

Sigingo 34:13

Fade ala yeke kungbi na sese agbalaka ti azo ni, ala yeke kungbi angbongboro têne ti ala so ala leke si aluti na nduzu, ala yeke de na sese akeke so azo ni aleke aluti na nduzu si ala yeke voro ni so.

Ésaïe 1:29

Biani, akeke so ala yeke voro ni si ala ye ni mingi so, fade kamene ayeke sara ala ndali ni. Apendere ndo so ala soro ti voro ayanda daa so, kamene ayeke gbu le ti ala ndali ni.

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 17:9

Na lango ni so, agbata so a sara gbagba ti bira na tere ni, fade azo ayeke do ni azia tongana ti so azo ado ando agbako nga na ali ti ahoto azia na gango ti azo ti Israel. Agbata ni ayeke ga ngonda.

Ésaïe 2:8

Ayanda asi singo na ya ti kodro ni. Azo ayeke kuku ti voro ye so maboko ti ala wani asara; ala yeke kuku na gbe ti ye so maboko ti ala wani aleke.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 30:22

Anzapa ti mo so a leke na keke si a zia wen ti nginza na tere ni, ayanda ti mo so a kporo lôro si a zia na tere ni, fade mo yeke baa ni tongana ye so ayeke sioni. Mo yeke tuku ni tongana fungo ye si mo yeke tene: “Ala hon kâ!”

Ésaïe 37:19

Agbia ni abi anzapa ti azo ni na le ti wâ. Andaa, anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

Ésaïe 41:29

Ala kue ayeke ye oko pepe: kua ti ala ayeke senge senge, ayanda ti ala ayeke pupu senge, ye ayeke daa pepe!”

Ésaïe 44:15

Azo ayeke mu nga keke ni ti tingo na wâ, ala yeke sara na wâ ti duti na tere ni, wala ti to na kobe. Ala yeke mu nga gi oko keke ni ti leke na mbeni nzapa titene ala voro lo; ala yeke leke mbeni yanda so ala yeke kuku na gbe ti lo.

Jérémie 17:2

Tongana ti so ala yeke dabe ti ala na amolenge ti ala, ala yeke dabe ti ala legeoko tongaso na agbalaka ti ala, na akeke ti Ashera ti ala nga na akeke so afini kugbe ayeke daa gbani gbani si ayeke na ndö ti ahoto.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Sofonii 1:3

Fade mbi yeke hunzi azo na anyama kue, andeke ti le ti nduzu na asusu ti kota ngu-ingo kue; mbi yeke hunzi asioni zo nga na aye so kue ayeke sara si ala yeke ti so. Mbi yeke hunzi azo kue kue kue na ndö ti sese.” So tënë ti yanga ti KOTA GBIA laa.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Ndia ti fani use ni 7:5

Baa ye so ala, azo ti Israel, alingbi ala sara na azo ti amara ni so laa: ala kungbi agbalaka ti ala na sese, ala fâ ya ti angbongboro têne ti ala so ala leke aluti na nduzu so, ala de na sese akeke ti ala so ala leke aluti na nduzu ndali ti nzapa-wali Ashera so, ala gbi ayanda ti ala.