Ésaïe 17:4 - Mbeti ti Nzapa - Tënë so amu fini

⁴ Na lango ni so, nengo ti Israel ayeke ti na gbeni; lo so lani lo kono konongo so, lo yeke kiri ti nge ngengo.

Ésaïe 17:4 ပူးပေါင်းရင်းမြစ်များ

Tongo nda ti aye 41:3

Na pekoni, ambeni mama ti bagara mbarambara so ayeke sioni sioni si ala nge ngengo, asigigi na ya ti ngu ni. Ala ga aluti na tere ti akozo mama ti bagara ni, na yanga ti bale ni.

2 Agbia 17:3

Salmanasar, gbia ti Asirii aga ti tiri bira na Osée. Osée aga zo ti gbe ti lo si ayeke futa lapo na ngu oko oko.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

Ésaïe 10:16

Ndani laa, Kota Gbia NZAPA so ayeke na ndö ti dunia kue ayeke tokua kobela na tere ti azo ti lo so akono titene ala nge. Na gbe ti gonda ti ala, fade mbeni ye ayeke gbi tongana wâ so ayeke gbi ye.

Ésaïe 10:3

Na lango ti fango ngbanga, fade ala yeke sara nyen? Na ngoi so kota pupu so ayeke buba ye kue alondo yongoro ti ga, fade ala yeke sara nyen? Ala yeke kpe na ndo ti zo wa titene lo mu maboko na ala? Ala yeke zia amosoro ti ala na ndo wa?

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Ésaïe 17:3

Gbagba ti bira so ayeke na tere ti Efraim ayeke kiri ti ngba pepe, gbia ayeke kiri ti ngba na Damas pepe. Tanga ti azo ti Sirii so angba so, ala yeke kpa nga ye oko pepe tongana azo ti Israel. So tënë ti yanga ti *KOTA GBIA so ayeke na ndö ti dunia kue laa.

Ésaïe 24:13

Biani, na ndö ti sese, na popo ti amara, ye ayeke ngba gi kete tongana ti so ale ti keke ti olive ayeke ngba gi kete na ya ti keke ni na peko ti so a fâ ale ti olive ni awe, tongana ti so a fâ ale ti vinye si ahunzi awe.

Ésaïe 24:16

Na nda ti sese kâ, e yeke ma bia so: “Gonda na Nzapa so ayeke mbirimbiri!” Ti mbi, mbi tene: “Ti mbi ahunzi awe! Ti mbi ahunzi awe! So mawa na mbi!” Azo ti kango zo ayeke sara kua ti ala. Ala yeke ka amba ti ala! Azo ti kango zo ayeke sara kua ti ala.

Ésaïe 9:8

Fade azo kue, azo ti kodro-gbia ti Efraim nga na azo ti Samarii, ala kue ayeke hinga tënë ni. Baba ahon ndö ti ala si ala tene:

Ezekiel 34:20

Ndani laa, tënë so mbi Kota Gbia NZAPA, mbi tene ayeke so: Mbi wani laa mbi yeke fâ ngbanga na popo ti ataba so akono konongo na ala so ange ngengo.

Amos 3:12

Tënë so KOTA GBIA atene ayeke so: “Tongana ti so wabatango-taba ayeke gboto gi gere use wala nduru mê ti taba na yanga ti bamara so agbu mbeni taba, gi mara ti ye so laa ayeke si ande na azo ti Israel so ayeke lango na gbata ti Samarii; azo ti Israel so ayeke lango na ya ti ayongoro ngende, wala na ndö ti apendere gbogbo so, fade a yeke soo gi ambeni oko oko.”

Sofonii 2:11

Fade KOTA GBIA ayeke zia kota mbeto na be ti ala, lo yeke hunzi anzapa ti sese kue. Tongaso, ataa amara so kue ayeke na yongoro ndo, ala yeke kuku akpo li ti ala na sese na dawa ti lo, zo oko oko na kodro ti lo.