Ésaïe 17:3 - Mbeti ti Nzapa - Tënë so amu fini

³ Gbagba ti bira so ayeke na tere ti Efraim ayeke kiri ti ngba pepe, gbia ayeke kiri ti ngba na Damas pepe. Tanga ti azo ti Sirii so angba so, ala yeke kpa nga ye oko pepe tongana azo ti Israel. So tënë ti yanga ti *KOTA GBIA so ayeke na ndö ti dunia kue laa.

Ésaïe 17:3 ပူးပေါင်းရင်းမြစ်များ

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

Ésaïe 10:9

Ye so asi na gbata ti Kalne, ni laa asi na gbata ti Karkemish pepe? Ye so asi na gbata ti Hamat, ni laa asi na gbata ti Arpad na ti Samarii nga na Damas pepe?

Ésaïe 16:14

Fadeso, KOTA GBIA atene: “Na peko ti ngu ota, so ti tene mbeni lango oko ayeke ti na ndö ni pepe, akota zo ti Moab na gba ti azo ti kodro ni ayeke ngba zo pepe. Gi azo kete laa ayeke ngba ande, wungo ti ala ayeke kpa ye oko pepe.”

Ésaïe 17:4

Na lango ni so, nengo ti Israel ayeke ti na gbeni; lo so lani lo kono konongo so, lo yeke kiri ti nge ngengo.

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Ésaïe 7:16

Kozo titene molenge ni ahinga ti ke ye ti sioni na ti soro ye ti nzoni, sese ti agbia use so mo yeke sara mbeto ti ala so, fade sese ni ayeke ngba senge senge.

Ésaïe 7:8

Biani, Damas ayeke li-kodro ti Sirii, Resen ayeke gbia gi na Damas. Angba ngu baleomene na oku titene azo aga ti buba sese ti Efraim kue; Efraim ayeke kiri ti ngba mara pepe.

Ésaïe 8:4

Biani, kozoni titene molenge ni ahinga ti tene: ‘babâ’ na ‘mama’, fade azo ayeke mu amosoro ti gbata ti Damas na aye so ala gbu na peko ti bira na Samarii ti gue na ni na gbia ti Asirii.”

Osée 1:4

KOTA GBIA atene na Osée: “Mo di iri ti molenge ni Yizreel, ngbanga ti so na ya ti kete ngoi, fade mbi yeke ga ti kiri peko ti sioni na *ahale ti Yehu ndali ti mene so ala tuku na Yizreel so. Fade mbi yeke sara titene lengo-gbia ahunzi na Israel.

Osée 1:6

Gomer akiri amu ngo si lo du molenge-wali. KOTA GBIA atene na Osée: “Mo di iri ti molenge ni Lo-Ruhama, ngbanga ti so, mbi yeke ngba ti ye azo ti Israel pepe, mbi yeke zi ndoye ti mbi kue na ala.

Osée 10:14

Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Osée 3:4

Biani, fade azo ti Israel ayeke ngba gi tongaso aninga: ala yeke duti na gbia pepe, na makonzi pepe; ala yeke mu asandaga pepe, ala yeke leke ngbongboro têne aluti na nduzu pepe; aye ti hundango nda ti aye nga na anzapa ti da, ala yeke duti na ni pepe.

Osée 8:8

“A te azo ti Israel, a mene ala awe. Ala yeke fadeso na popo ti amara tongana mbeni gbagba ta so zo ake ni.

Osée 9:11

Fadeso, gonda ti azo ti Efraim ayeke huru ti hon tongana ti so ndeke ayeke huru: awali ti ala ayeke kiri ti du pepe, ala yeke kiri ti duti na ngo pepe, ala yeke kiri ti mu ngo pepe.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”