Ésaïe 17:2 - Mbeti ti Nzapa - Tënë so amu fini

² Agbata so ayeke na gbe ti Damas, fade ayeke ngba senge senge biani biani. Agbata ni ayeke ga ndo so ataba na angasa ayeke te pere daa si ala yeke lango daa, zo oko ti zia mbeto na be ti ala ayeke daa pepe.

Ésaïe 17:2 ပူးပေါင်းရင်းမြစ်များ

Mbeti ti Job 11:19

Na ndembe so mo yeke wu tere ti mo, zo ti so li ti mo ayeke daa pepe; azo mingi ayeke tene nzoni tënë ti woko be ti mo.

Ésaïe 27:10

Gbata so a sara ngangu gbagba ti bira na tere ni, zo oko ayeke na ya ni mbeni pepe; azo ado azia si aga tongana benyama. Kâ, akete bagara ayeke ga ti te pere, ala yeke wu tere kâ si ala yeke te akugbe so asigigi.

Ésaïe 5:17

Fade ataba ayeke te pere na ya ti gbata so abuba kue so tongana ndo ti tengo pere ti ala; angasa so akono nzoni ayeke te pere na ndo ni so.

Ésaïe 7:21

Na lango ni so nga, zo oko oko ayeke bata mama ti bagara oko na amama ti ngasa use.

Ésaïe 7:22

Ndali ti anyama ni, ngu ti me ayeke duti gbani gbani, azo alingbi ti nyon ngu ti me ni. Biani, azo so ayeke ngba na ya ti kodro ni, kobe ti ala ayeke duti ngu ti me na mafuta ti wotoro.

Jérémie 48:19

Mo, zo ti gbata ti Aroer, luti na tere ti lege, mo *bembe ndo. Hunda na azo so ayeke kpe nga na azo so ayeke gi lege ti soo kuâ so, mo tene: “Nyen laa asi, nyen?”

Jérémie 7:33

Fade kuâ ti azo ni ayeke ga kobe ti andeke ti nduzu na ti anyama ti sese; zo ti ga ti tumba ala na tere ti kuâ ni ayeke daa pepe.

Ezekiel 25:5

Mbi yeke sara titene Raba, li-kodro ti Amon aga ndo so *azambala ayeke te pere daa si kodro ti azo ti Amon kue aga ndo so ataba ayeke lango daa. Tongaso, fade ala yeke hinga atene, mbi laa mbi yeke KOTA GBIA.

Ezekiel 39:26

Tongaso, fade be ti ala ayeke girisa na gba ti kamene ti ala nga na asioni ye so kue ala sara ti ke mbi. Ala yeke kiri ti duti na siriri na ndö ti sese ti ala; zo oko ti sara titene tere ti ala ado na mbeto ayeke daa pepe.

Mishe 4:4

Ala oko oko ayeke duti na siriri na gbe ti akeke ti *vinye ti ala nga na gbe ti akeke ti fige ti ala. Zo oko ti zia mbeto na be ti ala ayeke daa pepe.” Tënë so asigigi na yanga ti KOTA GBIA so ayeke na ndö ti dunia kue laa!

Sofonii 2:6

Sese ti mo so ayeke na yanga ti kota ngu-ingo ayeke ga ndo so anyama ayeke te pere daa, ayeke ga ndo so azo ti batango nyama ayeke tambula daa, ayeke ga gbagba ti ataba.”

Wungo ti azo 32:34

Azo ti mara ti Gad akiri aleke agbata ti Dibon, ti Atarot, ti Aroer,

Ndia ti fani use ni 2:36

Ti londo na gbata ti Aroer so ayeke na yanga ti ngu ti Arnon ti hon na mbage ti gbata so ayeke na popo-hoto ngbii ti si na Galaad, mbeni gbata oko so akara e ayeke daa pepe. KOTA GBIA Nzapa ti e azia agbata ni kue na maboko ti e.

Ndia ti fani use ni 3:12

Na ngoi ni so, e mu sese so kue ayeke na Banga ti gbata ti Aroer, na tere ti ngu ti Arnon titene aga ti e. Mbi mu ndambo ti sese ti ahoto ti Galaad na azo ti mara ti Ruben nga na azo ti mara ti Gad; mbi mu sese ni na ala na agbata ni kue.

Josué 13:16

Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu nga kpangbara sese so ayeke na tere ti Medeba;

Josué 13:25

Sese so ala wara ayeke sese ti Yazer, agbata ti Galaad kue na ndambo ti sese ti azo ti Amon, ague ngbii asi na Aroer, so ayeke baa le na Raba.