Ésaïe 17:14 - Mbeti ti Nzapa - Tënë so amu fini

¹⁴ Na lakui, ala yeke zia kota mbeto na be ti azo; me kozo titene ndo ahan, mbeni ye oko akiri angba pepe. Azo so ayeke gbu aye ti e, baa ye so ayeke si ande na ala laa; azo so ayeke nzi aye ti e, baa ye so ayeke si ande na ala laa.

Ésaïe 17:14 ပူးပေါင်းရင်းမြစ်များ

2 Agbia 19:3

Ala tene na lo: “Tënë so Ezekias atene ayeke so: ‘Lango ti laso ayeke lango ti ye ti ngangu, lango ti kota kpale, lango ti kota kamene. Azo ayeke tene: molenge aga nduru ti sigigi na ya ti mama ti lo, me ngangu atia mama ni ti du molenge ni.

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Mbeti ti Job 20:29

Baa ye so Nzapa abata ti ku na azo ti sioni laa, ye so Nzapa aleke ndali ti ala laa!

Abia (Psaumes) 37:36

Me lo hon awe, lo yeke daa mbeni pepe; mbi gi lo, me mbi wara lo pepe.

Amato 22:23

Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Ésaïe 10:25

Biani, gi na ya ti kete ngoi, sioni ngonzo ti mbi so alondo na tere ti ala ayeke kai. Me ngonzo ti mbi ni ayeke kiri ti hunzi azo ni kue.”

Ésaïe 21:12

Sanziri ni akiri tënë: “Ndo ayeke han si na pekoni, ndo ayeke kiri ti vuko. Tongana ala ye ti kiri ti hunda ndo, ala hunda senge! Ala lingbi ti kiri ti ga mbeni lâ.”

Ésaïe 29:2

me mbi KOTA GBIA, mbi yeke nika mo, Ariel. Fade demango tere na dema ayeke hon ndö ti mo si mo yeke ga tongana duke, ndo so a yeke gbi asandaga daa ndali ti mbi.

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Ésaïe 29:7

Gba ti azo so ayeke tiri bira lani na mo Ariel, fade ala kue ayeke hon tongana bango-li. Azo so kue ayeke sara gbagba na tere ti mo ti tiri bira na mo, azo so ayeke pete mo mbage na mbage, fade ala kue ayeke hon tongana ti so zo ayeke baa ye na ya ti mbeni ye tongana bango-li.

Ésaïe 30:28

Pupu ti yanga ti lo ayeke tongana ngu so ayeke sua, asuku ngbii asi na go ti zo. Pupu ni ayeke ga ti yengere amara nde na mbeni yengere ti fango zo. Lo yeke zia na yanga ti azo ni mbeni kamba ti gue na ala kirikiri.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Ésaïe 33:18

Mo yeke gbu li ti mo na ndö ti ye so ayeke zia lani mbeto na be ti mo si mo yeke hunda tere ti mo, mo tene: “Azo so lani ayeke baa ndo na ndö ti akua so, ala yeke fadeso na ndo wa? Azo so lani ayeke diko nginza ti lapo so, ala yeke fadeso na ndo wa? Azo so lani ayeke baa lege ti angangu gbagba so, ala yeke fadeso na ndo wa?”

Ésaïe 34:17

Lo laa lo bi mbeni ye ndali ti ala oko oko, lo mu kamba ti hakango na ye ti kangbi sese na ala. Sese ni ayeke ga ti ala kpu na kpu, ala yeke duti daa ngu na ngu.

Ésaïe 41:12

Ataa azo so aye ti tiri na mo, mo yeke gi ala, me mo yeke wara ala pepe. Azo so ayeke tiri bira na mo, ala yeke ngba ye oko pepe, ala yeke senge ye.

Jérémie 13:25

Jérusalem, ye so ayeke ku mo laa, ye so mbi bata ndali ti mo laa. Biani, mo girisa mbi awe ti zia be ti mo na anzapa ti mvene; so tënë ti yanga ti KOTA GBIA laa.

Jérémie 2:3

Israel, mo yeke ando ye so a bata nde gi ndali ti KOTA GBIA. Mo yeke tongana akozo le ti kobe so ayeke ti lo; tongana ambeni zo ate ni, ala yeke wara tënë: sioni ye ayeke wara ala.’ So tënë ti yanga ti KOTA GBIA laa.”

Jérémie 49:10

Ala, *ahale ti Ezau, mbi laa mbi yeke zi aye ti ala na maboko ti ala, mbi yeke fa ndo so ala honde tere ti ala daa: ala lingbi ti honde tere ti ala mbeni pepe. Mara ti ala, na a-ita ti ala na azo so ayeke nduru na ala, fade a yeke hunzi ala kue; zo ayeke kiri ti tene na ala pepe, atene:

Ezekiel 39:10

Azo ayeke kiri ti gue ti ro akeke ti wâ na yaka pepe, wala ala yeke kiri ti fâ akeke na ya ti gbako pepe. Biani, ala yeke sara wâ gi na aye ti bira so. Ala yeke nzi ye ti azo so lani anzi ala, ala yeke gbu aye ti azo so lani agbu aye ti ala. So tënë ti yanga ti Kota Gbia NZAPA laa.

Zakarii 2:12

KOTA GBIA so ayeke na ndö ti dunia kue - lo so lo tokua mbi na amara so anzi aye ti ala kue, azo ti Sion, tënë so lo tene ayeke so: “Zo so andu ala, andaa lo ndu mboma ti le ti mbi awe.

Awafango-ngbanga 5:31

KOTA GBIA, ayeke nzoni awato ti mo kue akui tongana ti so Sisra akui. Ayeke nzoni ala so aye mo aga tongana lâ so ato nda ti su na ngangu!” Tongaso siriri akiri na ya ti kodro ni na ya ti ngu baleosio.