Ésaïe 17:12 - Mbeti ti Nzapa - Tënë so amu fini

¹² So mawa ti nyen! Gba ti amara ayeke sara wusuwusu, wusuwusu ni ayeke tongana toto ti kota ngu-ingo. Amara nde ayeke sara wusuwusu, wusuwusu ni ayeke tongana toto ti ngu so ayeke sua ngangu.

Ésaïe 17:12 ပူးပေါင်းရင်းမြစ်များ

Abia (Psaumes) 18:4

Mbi gonda KOTA GBIA! Mbi dekongo na lo si lo zi mbi na maboko ti awato ti mbi.

Abia (Psaumes) 29:3

Go ti KOTA GBIA atoto amu ndö ti angu kue. Nzapa ti gonda asara si bekpa asungba, KOTA GBIA amu ndö ti akota ngu kue.

Abia (Psaumes) 83:2

O Nzapa, mo ngba ti kai kaingo pepe, mo kanga maboko ti mo pepe, mo duti kpoo pepe!

Ésaïe 13:4

Ala ma go ti azo na ndö ti hoto, go ni ayeke tongana go ti gba ti azo. Ala ma wusuwusu na ya ti akodro-gbia, amara nde so abongbi ayeke sara wusuwusu. KOTA GBIA so ayeke na ndö ti dunia kue ayeke hon ti baa aturugu ti lo oko na oko so ayeke gue ti tiri bira.

Ésaïe 28:17

Mbi yeke mu sarango ye na legeni tongana kamba ti hakango na ye, ye ti mbirimbiri tongana kamba ti amason.” Me fade *pembe ti bekpa ayeke zi ndo ti batango tere ti ala ti mvene ti hon na ni, ngu ayeke suku ti mu ndo ti hondengo tere ti ala.

Ésaïe 54:17

Aye ti bira so kue a leke ti tiri na ni na mo, alingbi ti sara ye oko na mo pepe. Zo so kue ayeke bi tënë na li ti mo na le ti ngbanga, mo yeke sara si ngbanga ati na li ti lo. Baa ye so mbi bata ndali ti azo ti kua ti mbi, KOTA GBIA laa. Baa lege so mbi yeke fâ ngbanga ti ala laa; so tënë ti yanga ti mbi KOTA GBIA laa.”

Ésaïe 8:9

Ala azo, ala do na mbeto, fade a yeke nika ala! Ala azo so alango yongoro, ala dingi mê ti ala, ala ma! Ala leke tere ti ala ti tiri bira, fade a yeke nika ala! Ala leke tere ti ala ti tiri bira, fade a yeke nika ala!

Ésaïe 9:5

Biani, a du na e molenge awe, a mu na e molenge-koli awe. Nzapa azia komandema na maboko ti lo. Fade a yeke di iri ti lo: Zo ti kpene, Wamungo-wango, Nzapa ti ngangu, Babâ ti lakue lakue, Makonzi ti siriri.

Jérémie 6:23

Aturugu ti mara ni so agbu akokora na alikongo. Ala yeke sioni mingi, ala yeke baa mawa ti zo pepe; go ti ala ayeke toto tongana kota ngu-ingo. Ala ko na ndö ti ambarata; ala leke tere ti ala awe ti tiri bira na *Sion, pendere maseka-wali.”

Ezekiel 43:2

Kâ, mbi baa gonda ti Nzapa ti Israel alondo na To si ayeke ga. Toto ti gonda ni ayeke tongana toto ti kota ngu-ingo; gonda ni ayeke su na ndö ti sese.

Daniel 7:2

Lo tene: “Na bi, na ya ti mbeni ye so mbi baa tongana bango-li, mbi baa pupu so alondo na ndangoro osio ti le ti nduzu si ayingi le ti kota ngu-ingo ngangu mingi.

Mishe 4:11

Fadeso, amara gbani gbani abongbi ti tiri bira na mo, ala tene: “Ayeke nzoni Jérusalem aga buba si e baa na le ti e buba ti lo ni.”

Wungo ti azo 10:35

Na ndembe so sanduku ti mbuki ni ayeke hon, Moïse ayeke tene: “KOTA GBIA, londo! Tongaso si awato ti mo ayeke kangbi kirikiri si azo so ake mo ayeke kpe na dawa ti mo!”

Nzoni Tënë so Luc asu na mbeti 21:25

“Fade ambeni ye ti kpene ayeke sigigi na le ti lâ, na le ti nze, na le ti atongoro. Na ndö ti sese, fade be ti azo kue ayeke gi na nduzu, ala yeke duti gi na mbeto ndali ti toto ti kota ngu-ingo na *amapo ni.

Aye so Nzapa afa 17:1

Tongaso, mbeni *ange oko na popo ti a-ange mbarambara so ayeke na akopo mbarambara so, aga na tere ti mbi si lo tene na mbi: “Ga, mbi yeke fa na mo lege so a yeke fâ ande ngbanga na li ti kota wali-ndumba, lo so lo yeke kota gbata so a leke ni na tere ti akota ngu so.

Aye so Nzapa afa 17:15

Ange ni akiri atene na mbi: “Angu so mo baa so si wali-ndumba ni ayeke lango na tere ni so, ayeke azo ti akodro nde nde, azo gbani gbani, azo ti amara nde nde na azo ti ayanga ti kodro nde nde.