Ésaïe 17:10 - Mbeti ti Nzapa - Tënë so amu fini

¹⁰ Biani, Israel, be ti mo agirisa na Nzapa, wasongo mo awe. Lo so lo yeke Kota Têne, ndo so mo kpe daa ti bata tere ti mo, mo dabe ti mo na lo mbeni pepe. Ndani laa mo sara si apendere kongo amai, mo lu ale ti kobe ti awande.

Ésaïe 17:10 ပူးပေါင်းရင်းမြစ်များ

1 Mbai 16:35

Ala tene: “Soo e! Mo so mo yeke Nzapa ti songo e, mo soo e maa! Zi e na maboko ti amara nde, mo bongbi e na ndo oko, tongaso fade e yeke sepela iri ti mo so ayeke nde si ayeke nzoni kue. Fade e yeke pika kate ti e, ngbanga ti so e yeke sepela mo.”

Abia (Psaumes) 106:13

Me gi hio tongaso, ala girisa aye so lo sara, ye so lo leke na be ti lo ti sara, ala ku ni pepe.

Abia (Psaumes) 106:21

Ala girisa Nzapa, wasongo ala, lo so lo sara akota ye na Ezipte,

Abia (Psaumes) 18:2

KOTA GBIA, mbi ye mo, mo yeke ngangu ti mbi!

Abia (Psaumes) 31:2

*KOTA GBIA, mbi kpe na mo ti bata tere ti mbi; mo zia kamene na le ti mbi oko pepe! Mo zi mbi na lege ti mbirimbiri ti mo.

Abia (Psaumes) 65:5

Ti lo nzoni, zo so mo soro lo si mo sara titene lo ga nduru na mo, fade lo yeke duti na ya ti gbagba ti mo. Fade e yeke wara anzoni ye ti kota da ti mo, anzoni ye ti kota da ti mo so ayeke nde si ayeke nzoni kue so.

Abia (Psaumes) 79:9

Nzapa, wasongo e, mu na e maboko si fade azo agonda iri ti mo. Zi e na ya ti aye ti ngangu, zi siokpari na li ti e si fade azo ane iri ti mo.

Abia (Psaumes) 85:4

Mo kai ngonzo ti mo awe, mo zia lege ti ngonzo ti mo ti wâ awe.

Abia (Psaumes) 9:17

KOTA GBIA asara si azo ahinga lo, lo fâ ngbanga awe: lo gbu zo ti sioni na ya ti kuku ti zo ni wani. Kete mozoko. Luti kete

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 17:9

Na lango ni so, agbata so a sara gbagba ti bira na tere ni, fade azo ayeke do ni azia tongana ti so azo ado ando agbako nga na ali ti ahoto azia na gango ti azo ti Israel. Agbata ni ayeke ga ngonda.

Ésaïe 18:5

Kozo titene a fâ ale ti kobe, tongana kongo ti vinye asigigi awe, tongana kongo ni aga le ti vinye si ato nda ti be, a yeke mu nzenze ti fâ na akete maboko ti keke so aduti senge senge na tere ti keke ni, a yeke zi *aguruma ni nga na akugbe ni.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 26:4

Ala zia be ti ala na ndö ti KOTA GBIA lakue lakue, ngbanga ti so KOTA GBIA ayeke tongana kota têne so aluti kpu na kpu.

Ésaïe 30:29

Ti ala azo ti Jérusalem, fade ala yeke he bia tongana ti so a yeke he bia ti matanga na bi. Be ti ala ayeke duti na ngia tongana ti azo so ayeke tambula alingbi na toto ti *ngoli si ala yeke gue na li ti hoto ti KOTA GBIA, na mbage ti Kota Têne ti Israel.

Ésaïe 33:2

*KOTA GBIA, baa mawa ti e! E zia be ti e ti ku mo. Lakue na ndaperere, mo ga ngangu ti e, mo ga wasongo e na ndembe ti ye ti ngangu.

Ésaïe 44:8

Ala azo ti mbi, ala sara mbeto pepe, tere ti ala ado pepe! Mbi tene tënë so na ala ngbene ye giriri, mbi fa ni na ala, ala hinga awe. Ala laa ayeke azo ti tenengo tënë ti ye so ala hinga na ndö ti mbi. Mbeni Nzapa nde ayeke daa? Gi mbi oko pepe? Mbeni Kota Têne nde so aluti ngangu ayeke daa pepe; mbi hinga mbeni oko pepe.”

Ésaïe 51:13

Be ti ala agirisa na KOTA GBIA awe; lo laa lo sara ala, lo laa lo gbara yayu si lo zia gere ti sese. Lakue tere ti ala ayeke do na mbeto na dawa ti ngonzo ti zo ti sarango ngangu na azo, mo baa mo tene, lo lingbi ti fâ ala. Fadeso, ngonzo ti zo ti sarango ngangu na azo ni ayeke na ndo wa?

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

Jérémie 12:13

Ala lu *ble, me ala wara akeke ti ki. Ala baa pasi senge senge, ye ti peko ni ayeke daa oko pepe. Aye so ala wara so aga ye ti kamene na ala ndali ti ngonzo ti wâ ti KOTA GBIA.

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Jérémie 3:21

A ma go ti azo na li ti ahoto kâ: azo ti Israel laa ayeke toto si ayeke dema tere so, ngbanga ti so ala sara aye ti kirikiri mingi; ala girisa KOTA GBIA, Nzapa ti ala awe.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Ezekiel 23:35

Ndani laa, tënë so mbi Kota Gbia NZAPA, mbi tene ayeke so: Jérusalem, be ti mo agirisa na mbi awe, mo zia peko ti mo na mbi awe. Fadeso, mo yeke wara futa ti peko ti sarango ye ti potopoto ti mo nga na ti ye ti ndumba ti mo.”

Osée 4:6

Azo ti mbi ayeke kui, ngbanga ti so ala hinga mbi pepe. So mo ke ti hinga mbi, fade mbi nga, mbi yeke ke mo, mo yeke kiri ti duti wayango-sandaga ti mbi pepe. So be ti mo agirisa na ye so Nzapa ti mo afa, fade be ti mbi nga ayeke girisa na amolenge ti mo.

Osée 8:14

“Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Joël 1:17

Ale ti kobe so azo alu ahole na gbe ti sese; ya ti gogoro angba senge, ada ti batango akobe akungbi awe, ngbanga ti so *ble ayeke daa mbeni pepe.

Awayango-sandaga 26:16

baa ye so mbi yeke sara ande na ala ayeke so: “Fade mbi yeke tokua na ndö ti ala akota kpale: ala yeke nge ngengo, kobela ti wâ ti tere ayeke sara ala; akobela ni ayeke vuko le ti ala si ayeke woko ala. Ala yeke lu ale ti kobe senge senge, awato ti ala laa ayeke te ni.

Awayango-sandaga 26:20

Ala yeke hunzi ngangu ti ala na sarango kua senge senge; sese ti ala ayeke du ale ti kobe oko pepe, akeke ti kodro ni ayeke du alengo ni oko pepe.

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Habakuk 3:18

Ti mbi, mbi yeke na ngia ndali KOTA GBIA, mbi yeke dodo na ngia ndali ti Nzapa, lo so lo soo mbi na kuâ.

Sofonii 1:13

Fade a yeke nzi amosoro ti ala, a yeke buba ada ti ala; ala yeke sara ada, me ala yeke lango na ya ni pepe; ala yeke fâ ayaka ti *vinye, me ala yeke nyon vin ni pepe.”

Ndia ti fani use ni 28:30

Zo so ahunda tënë ti mungo wali, mbeni koli nde laa ayeke lango na wali ni. Zo so asara da, lo yeke lango na ya ni pepe; zo so afâ yaka ti *vinye, ataa akozo le ti vinye ni, lo yeke ko ni pepe.

Ndia ti fani use ni 32:15

Tongaso Yeshurun ate kobe ti mafuta mingi, lo te kobe, ya ti lo asi, lo te kobe ti mafuta mingi, lo kono pendere, lo yeke na mafuta mingi. Na pekoni, lo zia Nzapa so asara lo, lo baa Kota Têne ti songo lo na kuâ tongana buba ye.

Ndia ti fani use ni 32:18

Azo ti Israel, Kota Têne ti batango ala, lo so lo du ala, ala baa lo tongana senge ye; Nzapa so asara si ala baa gigi, be ti ala agirisa na lo awe!

Ndia ti fani use ni 32:31

Me awato ti ala wani ahinga atene, nzapa ti batango ala alingbi na Nzapa ti e pepe.

Ndia ti fani use ni 32:4

Nzapa ayeke Kota Têne ti batango e. Aye so kue lo sara ayeke nzoni kue, lege ti sarango aye ti lo kue ayeke mbirimbiri. Lo yeke Nzapa so ayeke sara ye alingbi na tënë ti yanga ti lo, lo yeke sara ye ti kirikiri pepe, lo yeke lakue mbirimbiri, lo yeke fâ ngbanga na legeni.

Ndia ti fani use ni 6:12

Tongaso, ala sara hange titene be ti ala agirisa na KOTA GBIA pepe, lo so lo sara si ala sigigi na sese ti Ezipte, ndo so ala yeke lani angbaa daa so.

Ndia ti fani use ni 8:11

Ala sara hange si be ti ala agirisa pepe na KOTA GBIA Nzapa ti ala na sarango ye pepe alingbi na atënë ti yanga ti lo, na aye so ndia ti lo afa nga na atënë ti ndia ti lo so kue mbi fa na ala laso.

Ndia ti fani use ni 8:14

Tongana ala wara aye tongaso, ala sara hange si ala ga azo ti baba pepe; be ti ala agirisa na KOTA GBIA Nzapa ti ala pepe, lo so lo sara si ala sigigi na Ezipte, ndo so lani ala yeke angbaa daa.

Ndia ti fani use ni 8:19

Tongana be ti ala agirisa na KOTA GBIA Nzapa ti ala, tongana ala mu peko ti ambeni nzapa nde, tongana ala voro anzapa ni so, tongana ala kuku na gbe ti ala, mbi tene na ala laso biani: fade ala yeke kui kue.